લયસ્તરો » મુક્તક

શ્વાસની લાલચ હતી ‘ઈર્શાદ’, એ,
કૈંક ભવની કેદનું કારણ ન પૂછ.

ચિનુ મોદી ‘ઈર્શાદ’

લયસ્તરો બ્લોગનું આ નવું સ્વરૂપ છે. આ બ્લોગને વધારે સારી રીતે માણી શકો એ માટે આ નિર્દેશિકા જોઈ જવાનું ચૂકશો નહીં.

Archive for મુક્તક

મુક્તક શ્રેણીમાંના બધા પોસ્ટ (કક્કાવાર), સંપૂર્ણ પોસ્ટ માટે ક્લીક કરો.

નડતર – જવાહર બક્ષી

January 20, 2013 at 11:00 pm by ધવલ · Filed under જવાહર બક્ષી, મુક્તક

જો ચાલવા ચાહીશ તો રસ્તો થઈ જશે,
પગલાં જો હું ભરીશ તો નડતર હટી જશે.
નિષ્ફળ જશે આ રણ, મને તરસાવવામાં પણ,
રેતીની પ્યાસ આખરૅ મૃગજળને પી જશે.

- જવાહર બક્ષી

Permalink Comments (5)

મુક્તક – રઈશ મનીઆર

October 2, 2012 at 7:24 pm by ધવલ · Filed under મુક્તક, રઈશ મનીયાર

આપે છે દિલાસા અને રડવા નથી દેતા,
દુ:ખ મારું મને મિત્રો જીરવવા નથી દેતા;
આંસુઓ ટકાવે છે મને ભેજ બનીને,
એ જીવતા માણસને સળગવા નથી દેતા.

- રઈશ મનીઆર

દુ:ખ, દિલાસો અને દોસ્તો – એ ત્રિકોણની બાજુઓનું બરાબ્બર માપસરનું સંમિશ્રણ કોઈને કદી મળ્યું છે ખરું?

Permalink Comments (6)

કોડિયું ને સૂરજ – ઉદયન ઠક્કર

August 28, 2012 at 10:19 pm by ધવલ · Filed under ઉદયન ઠક્કર, મુક્તક

કોડિયા પર સૂર્ય તડક્યો, ‘તારી કોને છે ગરજ?
નૂરની નબળી નકલ! જા, જા, ને બીજું કંઈ સરજ…’
ઝંખવાઈને કોડિયું કહે, ‘મુલતવી રાખો, હજૂર
આ ચુકાદો, આજ રાતે, આપવાની છે અરજ’

- ઉદયન ઠક્કર

Permalink Comments (15)

(બોલાવ મા) – અહમદ મકરાણી

July 30, 2012 at 9:51 pm by ધવલ · Filed under અહમદ મકરાણી, મુક્તક

આભને તું સાવ નીચું લાવ મા,
પાંખને તું આટલી ફેલાવ મા.
પાર મારાથી ગયો છું નીકળી,
સાદ દઈને તું મને બોલાવ મા.

- અહમદ મકરાણી

કોશિશ પર તારી ભરોસો છે કે તું કંઈ પણ કરી જઈશ. પણ આજે મારો વારો છે. સમયનો તકાજો છે. નીકળી જવું – ને નીકળવામાંથી પણ નીકળી જવું – એ જ એક રસ્તો છે. હવે આ વિદાયની આમન્યા રહેવા દે. સાદ કરવાનું રહેવા દે.

Permalink Comments (10)

આગવી છે – જલન માતરી

June 27, 2012 at 10:15 pm by ધવલ · Filed under જલન માતરી, મુક્તક

જીવનભોગે મેં મેળવેલી આ સિદ્ધિ
કયામત સુધી સાચવી રાખવી છે;
જમાનાને કહી દો, નહીં ભાગ આપું
મરણ આગવું છે, કબર આગવી છે.

- જલન માતરી

Permalink Comments (5)

મુક્તક – અશોક જાની ‘આનંદ’

April 13, 2012 at 10:00 pm by ઊર્મિ · Filed under અશોક જાની ‘આનંદ’, મુક્તક

સતત વરસ્યા કરે, વરસાદ જેવી યાદ પજવે છે,
કદી નહિ સાંભળેલો દૂરનો એ સાદ પજવે છે;
સજાવ્યા મેં ઘણા સ્વપ્નો, થયા સાકાર થોડા પણ,
મળ્યો આકાર ના જેને હજુ એકાદ પજવે છે.

- અશોક જાની ‘આનંદ’

આકાર ન પામેલા સ્વપ્નો જ માણસને વધુ પજવતા હોય છે…

Permalink Comments (8)

મુક્તક – સગીર

March 28, 2012 at 10:29 pm by ધવલ · Filed under મુક્તક, સગીર

ફૂલ તુજ કિસ્મતના ગીતો ગાઉં છું,
મારી હાલતની દયા હું ખાઉં છું.
તું મરીને થાય છે અત્તર, અને-
હું મરીને રાખ કેવળ થાઉં છું.

- સગીર

Permalink Comments (8)

તારી દૂરતા – મુકુલ ચોકસી

March 20, 2012 at 10:38 pm by ધવલ · Filed under મુકુલ ચૉકસી, મુક્તક

ને તારી દૂરતા ફરતે પછી જો દેરી બને,
તો એ મિલનથી હજારો ગણી રૂપેરી બને;
વેરાન ચર્ચોમાં જે રીતે પાદરીઓ વગર
ઈસુની હાજરી જ્યાદા પ્રબળ ને ઘેરી બને.

- મુકુલ ચોકસી

Permalink Comments (12)

ચોમાસું – હેમેન શાહ

January 11, 2012 at 10:22 pm by ધવલ · Filed under મુક્તક, હેમેન શાહ

આ રમત તો કદી જીતાય નહિ,
કોઈ કુદરત સાથે સ્પર્ધા થાય નહિ,
એક ટીપા સામે આંસુ આપવું,
આવું ચોમાસું મને પોસાય નહિ.

- હેમેન શાહ

Permalink Comments (13)

આશાસ્પદ કવયિત્રી સ્મિતા પારેખનું દેહાવસાન…

December 19, 2011 at 7:37 am by વિવેક · Filed under ગઝલ, મુક્તક, સ્મિતા પારેખ

સાલસ સ્વભાવ અને ઋજુ હૃદયના આશાસ્પદ કવયિત્રી તથા વાર્તાકાર શ્રીમતિ સ્મિતા કિશોર પારેખનું આજે મળસ્કે યુવાન વયે અકાળ અવસાન થયું. ‘લયસ્તરો’ એમને હાર્દિક શબ્દાંજલિ પાઠવે છે. એમની એક ગઝલ આપ અગાઉ અહીં માણી ચૂક્યા છો.

(જન્મ: ૩૦-૦૯-૧૯૫૨…. ….મૃત્યુ: ૧૯-૧૨-૨૦૧૧)

નથી તું, છતાં મહેંક તારી ભરી છે,
અહીં રોમરોમે ખીલી ગુલછડી છે.
તને પાંપણે કેદ રાખું છતાંયે
બની આંસુ, તારી હયાતી દડી છે.

***

સાવ કોરો પત્ર તું એકાદ જો,
થૈ શકે તો મૌનનો અનુવાદ જો.

જ્યાં હવામાં સ્હેજ ભીનો સ્પર્શ છે,
ત્યાં તું આવે યાદ વરસો બાદ, જો.

નીંદ વેરણ ને ઉદાસી રાતભર,
તું ન આવે, આવતી લે યાદ, જો.

મેઘ એકે ના અહીં આકાશમાં,
આજ મારા આંસુનો વરસાદ જો.

દિલને એનાથી વધુ શું જોઈએ ?
કે તું આવે, એક દઈ દઉં સાદ, જો.

જિંદગીએ બસ, ઘણું આપ્યું મને,
આ પડાવે કોઈ ના ફરિયાદ જો.

માત્ર છળ છે જિંદગીમાં હર કદમ,
રેશમી આ સ્મિતમાં અવસાદ જો.

- સ્મિતા કિશોર પારેખ

Permalink Comments (33)

Page 1 of 1912 3...»Last »

લયસ્તરો : ગુજરાતી કવિતા આસ્વાદ

Archive for મુક્તક

નડતર – જવાહર બક્ષી

મુક્તક – રઈશ મનીઆર

કોડિયું ને સૂરજ – ઉદયન ઠક્કર

(બોલાવ મા) – અહમદ મકરાણી

આગવી છે – જલન માતરી

મુક્તક – અશોક જાની ‘આનંદ’

મુક્તક – સગીર

તારી દૂરતા – મુકુલ ચોકસી

ચોમાસું – હેમેન શાહ

આશાસ્પદ કવયિત્રી સ્મિતા પારેખનું દેહાવસાન…

લયસ્તરો ઇ-મેલ લીસ્ટ

‘લયસ્તરો’માં શોધો

મંજૂષા

વિશેષ

છેલ્લા 10 પોસ્ટ

આપના પ્રતિભાવ

પહેલાંના પોસ્ટ

Meta

Seach

Archive for મુક્તક

લયસ્તરો ઇ-મેલ લીસ્ટ

મોતીચારો

‘લયસ્તરો’માં શોધો

મંજૂષા

વિશેષ

છેલ્લા 10 પોસ્ટ

આપના પ્રતિભાવ

પહેલાંના પોસ્ટ

Meta

Seach