શ્રદ્ધાનો હો વિષય તો પુરાવાની શી જરૂર?
કુરઆનમાં તો ક્યાંય પયમ્બરની સહી નથી.
જલન માતરી

આવી ન્હોતી જાણી – અવિનાશ વ્યાસ

આવી ન્હોતી જાણી,              .
પૂનમ, તને આવી ન્હોતી જાણી.

દૂર રે ગગનમાં તારો ગોરો ગોરો ચાંદલો,
એને જોતાં રે વેંત હું લજાણી.
.                                      પૂનમ, તને આવી ન્હોતી જાણી.

તું યે એવી ને તારો ચાંદલિયો એવો,
કરતો અડપલું તો યે મારે સહેવો,
એને વાર જરા મારી દયા આણી.
.                                      પૂનમ, તને આવી ન્હોતી જાણી.

અજવાળી રાતનું કાઢીને બહાનું,
કામ કરે દિલડું દઝાડવાનું છાનું.
.                                તને કોણ કહે રાતની રાણી ?
.                                      પૂનમ, તને આવી ન્હોતી જાણી.

– અવિનાશ વ્યાસ

હમણાં જ નવારાત્રિ પૂરી થઈ.  અને બે દિવસ પહેલા જ શરદપૂનમ પણ ગઈ, જેની આપ સૌને જરા મોડી મોડી શુભકામનાઓ.  જો કે અહીં અમેરિકામાં અમારે તો નવરાત્રિ અને રાસનું એક week-end હજી બાકી છે એટલે થયું કે આજે અવિનાશભાઈને યાદ કરીએ.  કારણ કે અવિનાશભાઈને યાદ કર્યા વગરનાં કોઈ પણ ગુજરાતી ગીત-ગરબા-રાસ અધૂરા જ ગણાય…  અવિનાશભાઈનાં ગીતોની ખાસિયત એ છે કે એને વાંચતા વાંચતા આપણા કાન પણ સળવળવા જ માંડે !

4 Comments »

  1. pragnaju said,

    October 14, 2011 @ 8:26 am

    સુંદર ગીતનો મધુરો આસ્વાદ
    અજવાળી રાતનું કાઢીને બહાનું,
    કામ કરે દિલડું દઝાડવાનું છાનું.
    . તને કોણ કહે રાતની રાણી ?
    . પૂનમ, તને આવી ન્હોતી જાણી.
    વાહ્

  2. aminpanaawala said,

    October 14, 2011 @ 9:11 am

    વહ્રે ગ્ર્વિ ગુજરતિ

  3. Maheshchandra Naik said,

    October 15, 2011 @ 5:20 am

    પુનમનો મધુરો આસ્વાદ્………..આભાર….

  4. Dhruti Modi said,

    October 19, 2011 @ 4:04 pm

    સુંદર લયબધ્ધ ગીત.

RSS feed for comments on this post · TrackBack URI

Leave a Comment