દશા અને દિશા – વેણીભાઈ પુરોહિત
દશા પર દાઝનારા ને દશા પર દૂઝનારાઓ,
નથી હોતા ખુમારીથી જીવનમાં ઝૂઝનારાઓ.
દિશા જાણ્યા વિનાના છે દશાથી ધ્રુજનારાઓ !
કહી દો એમને કે, હે દશાના પૂજનારાઓ !
દશા તો છે સડક જેવી, સડક ચાલી નથી શકતી,
સડકને ખૂંદનારાને સડક ઝાલી નથી શકતી.
– વેણીભાઈ પુરોહિત
પ્રારબ્ધને ઠોકર મારી પુરુષાર્થ પર આધાર રાખી જીવો. પવનથી ધ્રુજતા તણખલાની જેમ નહીં, ખુમારીથી ઉડતા બાજની માફક જીવો !
gopal parekh said,
August 25, 2008 @ 11:30 PM
મસ્ત ગઝલ, સવાર સુધરેી ગઇ મારા ભાઇ
jignesh said,
August 26, 2008 @ 1:53 AM
વાહ, થોડાક જ શબ્દોમાં ઘણુ કહી દીધુ.
વિવેક said,
August 26, 2008 @ 6:28 AM
ત્રણ કડીમાં જ ઘણું બધું કહી દીધું….
બાજની ખુમારીથી ઉડવાની વાત પર વેણીભાઈની જ ગઝલના મુક્તક સમા બે શેર યાદ આવ્યા:
જીવવું છે, ઝૂરવું છે, ઝૂઝવું છે, જાનેમન !
થોડી અદાઓ ફાંકડી, થોડી ફિતૂરી રાખવી;
બાજ થઈને ઘૂમવું અંદાજની ઉંચાઈ પર,
ઈશ્ક ખાતર બુલબુલોની બેકસૂરી રાખવી.
pragnaju said,
August 26, 2008 @ 1:38 PM
દિશા જાણ્યા વિનાના છે દશાથી ધ્રુજનારાઓ !
કહી દો એમને કે, હે દશાના પૂજનારાઓ !
વાહ્
ખૂબ જ સરસ ખૂમારીમી વાત્
કૃષ્ણે પણ કહ્યું છે
रसोऽहमप्सु कौन्तेय प्रभास्मि शशिसूर्ययोः ।
प्रणवः सर्ववेदेषु शब्दः खे पौरुषं नृषु ॥७-८॥