ત્સુનામીનું ગીત – રાજીવ ભટ્ટ ‘દક્ષરાજ’
એક કાચબાએ ધોળ્યું છે વખ
એવું કાગળમાં વાદળને લખ !
માછલીએ પાડી’તી ના તોય દરિયાએ
દખ્ખણમાં દાટ કેમ વાળ્યો?
આપણે તો હોય એક મોજાંના વલખાં
ત્યાં મોજાંનો હિમાલય ભાળ્યો !
જોયું ક્યાંય દરિયાનું દઃખ ?
એવું કાગળમાં વાદળને લખ.
સૂરજ તપે તો એને માફી અપાય
પણ ચાંદાને કેમ કરી આપવી ?
દરિયાના લોહિયાળ તાંડવની વાતને
સૃષ્ટિનાં કયે પાને છાપવી ?!
હવે કાંઠાના વધતા’ગ્યા નખ !!
એવું કાગળમાં વાદળને લખ !
તળાજા, ભાવનગરના રાજીવ ભટ્ટની આ કવિતાએ આંખો આગળ સુનામીના કહરને તાજો કરી દીધો. સૂરજનો તો સ્વભાવ છે કે તપે જ અને બાળે જ. એટલે એને તો કદાચ માફી પણ આપી દેવાય પણ ચાંદો બાળે તો? નદીનું રમણે ચડવું તો સૌ જાણે જ છે, પણ દરિયો તો મ્હેરામણો છે. એ તો નદીઓના પાણીથી માંડીને મનુષ્યોના તાપ, બધું જિરવીને પેટમાંના વડવાનલની ય બહાર જાણ થવા દેતો નથી. દરિયા જેવો દરિયો ઊઠીને સંહારે ચડે અને તેય કાંઠા પર, તો માફી કેમ કરી દેવી? આ વાત કોને જઈ કહેવી?
Parul said,
February 25, 2007 @ 12:13 PM
although the preference is always for Gujarati language, the keyboard fails to support the feelings. A very nice poem. really brings out the shock at the unexpected about-turn of nature we expect to be remain calm and beautiful. Reminds me of the Tandav nritya – coming from one called Bholenath!
S.Vyas said,
February 25, 2007 @ 12:19 PM
In response to some recent posts:
Thank you for posting a diverse range of poets and poems …. it is as heartening to read and learn about the newer, upcoming and promising litterateurs, as it is to read and enjoy some of the well-known and popular creations….
ધવલ said,
February 25, 2007 @ 4:39 PM
બહુ ઉત્તમ ગીત… ઠાંસોઠાસ આક્રોશ દરિયાના તાંડવ પર !
Harshad Jangla said,
February 26, 2007 @ 10:11 AM
તળાજા ભાવનગર વાંચી ને ગર્વ થયો કારણ કે એ મારું પણ વતન
કવિને ખુબ ખુબ આભિનંદન
હર્ષદ જાંગલા
એટલાન્ટા યુ એસ એ
સુરેશ જાની said,
February 26, 2007 @ 1:43 PM
બહુ જ સરસ રચના અને સાવ નવો જ વિષય.
DR.GURUDATT THAKKAR said,
March 6, 2007 @ 12:04 PM
અદ્ ભૂત્…કયે પાને છાપવી…સુન્દર અભિવ્યક્તિ…