લીમડાની ડાળ પર ઝૂલ્યા પછી,
આગળા ઉંમરના સૌ ખૂલ્યા પછી;
બાષ્પ શબ્દો, શ્વાસ ધુમ્મસ થ્યા પછી,
હું તને પામું મને ભૂલ્યા પછી !
વિવેક મનહર ટેલર

હું મારી આસપાસ – હરિકૃષ્ણ પાઠક

હું મારી આસપાસ દીવાલો ચણ્યા કરું ;
ને બારણાં ને બારીઓ પછી ગણ્યા કરું.

શબ્દો સકળ છે એક વ્યર્થ અર્થથી ભર્યા ;
એ જાણતો છતાંય વાતમાં વણ્યા કરું.

સ્વપ્નો નિહાળવાની ટેવ તો રહી નથી;
જાગું છું એમ વ્હેમથી ત્વચા ખણ્યા કરું.

આ રાત ને દિવસ બધુંય એક છે છતાં
પાડીને એના ભેદ કાળને ગણ્યા કરું.

આશાનાં ફૂલ કોક સવારે ખરી પડે,
તો રાત નો ઉજાગરો કદી લણ્યા કરું.

-હરિકૃષ્ણ પાઠક

6 Comments »

  1. Rina said,

    July 9, 2012 @ 1:13 am

    વાહ…..

  2. pragnaju said,

    July 9, 2012 @ 9:56 am

    સુંદર ગઝલનો મત્લા
    હું મારી આસપાસ દીવાલો ચણ્યા કરું ;
    ને બારણાં ને બારીઓ પછી ગણ્યા કરું.
    વાહ્
    સંયોગ,વિપ્રયોગ,સાહચર્ય,વિરોધિતા અર્થ,પ્રકરણ,લિંગ
    અન્ય શબ્દની સન્નિધિ,સામર્થ્ય,ઓચિત્ય,દેશ,કાલ,વ્યક્તિ
    અને સ્વર…………………………….
    શબ્દો સકળ છે એક વ્યર્થ અર્થથી ભર્યા ;
    એ જાણતો છતાંય વાતમાં વણ્યા કરું.

  3. Dhruti Modi said,

    July 9, 2012 @ 3:24 pm

    ખૂબ સરસ રચના.

    હું મારી આસપાસ દીવાલો ચણ્યા કરું;
    ને બારણાં ને બારીઓ પચી ગણ્યાં કરું.

  4. kishoremodi said,

    July 10, 2012 @ 9:35 pm

    સરળ બાનીમાં સુંદર ગઝલ

  5. urvashi parekh said,

    July 10, 2012 @ 10:47 pm

    સરસ અને સાચ્ચી વાત.
    હુ મારી આસપાસ દીવાલો ચણ્યા કરુ,
    ને બારી બારણાઓ પછી ગણ્યા કરુ.
    સરસ.

  6. Jahnvi Antani said,

    July 11, 2012 @ 6:06 am

    હું મારી આસપાસ દીવાલો ચણ્યા કરું ;
    ને બારણાં ને બારીઓ પછી ગણ્યા કરું…..સાવ સાચુ.

RSS feed for comments on this post · TrackBack URI

Leave a Comment