આ વિશેષણના વળી શણગાર શા ?
રૂપ છે નીતર્યુઁ તે અડવું જોઈએ !
– રતિલાલ ‘અનિલ’

બસ, બે ઘડી મળી… – વિવેક મનહર ટેલર


બે-ચાર શ્વાસની આ મને નાવડી મળી,
સાગર મળ્યો અફાટ ને બસ, બે ઘડી મળી. 

મારા ગયા પછીથી કદર આવડી મળી,
વાંચીને ગઝલો બોલ્યું કોઈ: “ફાંકડી મળી.”

આખી ઉમર પ્રતિક્ષા હતી એ ઘડી મળી,
સંવેદના સકળ મને જડ-શી ખડી મળી.

સંબંધમાં આ દિલ કશે આગળ ના જઈ શક્યું,
જે પણ ગલી મળી એ ઘણી સાંકડી મળી.

હૈયામાં તારા કેટલી ચીસો ભરી છે, શંખ ?
એક ફૂંક પાછી કેટલા પડઘા પડી મળી !

તું શ્વાસ થઈને મારી ભીતર શબ્દને અડી,
કાવ્યોને મારા જાણે પવન-પાવડી મળી.

ડૉ. વિવેક મનહર ટેલર

3 Comments »

  1. meena chheda said,

    April 21, 2006 @ 2:06 PM

    This post has been removed by the author.

  2. meena chheda said,

    April 21, 2006 @ 10:00 PM

    સંબંધમાં આ દિલ કશે આગળ ના જઈ શક્યું,
    જે પણ ગલી મળી એ ઘણી સાંકડી મળી.

    મિત્ર વિવેક,
    દર્દની હદ કદાચ અહીંથી જ શરુ થતી હશે….

  3. Jayshree said,

    July 4, 2006 @ 2:51 AM

    Nice one..!!
    Thanks…

RSS feed for comments on this post · TrackBack URI

Leave a Comment