ગઝલ- સંજય પંડ્યા
નવી તાજી હવાની મહેક સાંગોપાંગ મળશે તો !
સુગંધી આવરણનો કેફ સાંગોપાંગ મળશે તો !
હું અશ્મિભૂત અવશેષો સમું મારું જીવન લઈને,
હજી શોધું વિધિના લેખ સાંગોપાંગ મળશે તો !
વરાળી શ્વાસનું સ્મારક અને તારા જ હસ્તાક્ષર,
હવે એ ફેફસાંમાં છેક સાંગોપાંગ મળશે તો !
જટા, ધૂણી, ભભૂતિ, આગ, ચીપિયા કે કમંડળમાં
અમારા પ્રેમની અહાલેક સાંગોપાંગ મળશે તો !
જળાશયની પ્રતિષ્ઠા આંખમાં અકબંધ રાખીને,
જુઓ ભીનાશનો આલેખ સાંગોપાંગ મળશે તો !
– સંજય પંડ્યા
મુંબઈગરા સંજય પંડ્યા માત્ર દેખાવે જ ફિલ્મ સ્ટાર જેવા નથી, એમની કવિતાઓ પણ એટલી જ સોહામણી છે. મુંબઈની ભીડમાં ભીંસાતા હોવા છતાં એમની કવિતામાં ગામડું અને ગામઠી ભાષા જ ઠેર-ઠેર પથરાયેલાં જોવા મળે છે. તળપદી ભાષા પર હથોટી એ સંજયના ગીત-ગઝલોની વિશેષતા છે. અને છતાં આધુનિક્તાથી યે એ લગીરે વેગળાં નથી જ. એક-બે બીજા શેર પણ મમળાવીએ:
મેઈલ કરું છું લાગણી, ટાઈપ કરું છું વ્હાલ,
કમ્પ્યુટરના ગાલ પર ટશરો ફૂટશે લાલ !
બળતી સિગાર જેવી અડધી હશે બળેલી,
બે આંગળીની વચ્ચે ઘટના જ પડતી મેલી.
Meena Chheda said,
July 2, 2006 @ 10:45 PM
બળતી સિગાર જેવી અડધી હશે બળેલી,
બે આંગળીની વચ્ચે ઘટના જ પડતી મેલી.
rakh khankherta jaanyu ke ..
zindgi j khankheraai gayi…
maan ne sparshi ne pasaar thai gayi aem nathi kahi sakti … maan ma rahi gayi aa vaat…
sathe j … Amrita Pritam ni yaad aawi gayi.
Meena
Pinki said,
April 10, 2008 @ 5:09 AM
વાહ્.. ખૂબ સરસ…. !!
વળી,
મેઈલ કરું છું લાગણી, ટાઈપ કરું છું વ્હાલ,
કમ્પ્યુટરના ગાલ પર ટશરો ફૂટશે લાલ !
બેમિસાલ…….!!
Kalpesh said,
June 3, 2023 @ 12:37 AM
ઝુરાપો મૌન થઇ પથરાય તો પણ યાદ કરશોને,
ગળે ડૂમો બની અટવાય તો પણ યાદ કરશોને,
અમારે ઘર, અટારી કે ઝરુખે મૌનના વાઘા
પછીથી રિક્તતા પથરાય તો પણ યાદ કરશોને?!
સંજય પંડ્યા
આ આખી ગઝલ મળશે ?