ગઝલ – રાકેશ હાંસલિયા
અશ્રુઓના ડાઘને જોતો રહ્યો,
હું ઠરેલી આગને જોતો રહ્યો.
વ્યર્થ હો બાકી બધું નિહાળવું,
એવી રીતે આભને જોતો રહ્યો !
આપવાની હો તું ગુલદસ્તો મને,
એમ તારા હાથને જોતો રહ્યો.
ધૂળિયો મારગ મને રોકી ન લે,
દૂરથી બસ ગામને જોતો રહ્યો.
જાણે લાગી હોય મારી ભીતરે,
એવી રીતે આગને જોતો રહ્યો.
ઊતરીને આવવાની હોય તું,
એમ અપલક ચાંદને જોતો રહ્યો !
મ્હેંકતા શબ્દો હતા સામે ઘણાં,
હું તો તારા નામને જોતો રહ્યો !
કોઈનીયે સ્હેજ પણ પરવા વગર,
આજ તારા ભાલને જોતો રહ્યો.
– રાકેશ હાંસલિયા
મનનીય રચના…
narendrasinh said,
June 27, 2014 @ 3:24 AM
અત્યન્ત સુન્દર ગઝલ્
દરેક શેર સુન્દર
kanchankumari p parmar said,
June 27, 2014 @ 3:43 AM
મન મન્દિરમા બેસાડિ તને રોજ તને પુજતો રહ્યો……
Shah Pravinchandra Kasturchand said,
June 27, 2014 @ 5:45 AM
લાકડું હતું એ બળતી આગનું;
એ રીતે આ દેહને જોતો રહ્યો.
kiran said,
June 27, 2014 @ 7:20 AM
દીલ ને ગમે એવેી ગજલ
pragnaju said,
June 27, 2014 @ 9:42 PM
સરસ ગઝલનો આ શેર વધુ ગમ્યો
કોઈનીયે સ્હેજ પણ પરવા વગર,
આજ તારા ભાલને જોતો રહ્યો.
yogesh shukla said,
June 28, 2014 @ 6:42 PM
સુંદર રચના
Sudhir Patel said,
June 28, 2014 @ 11:53 PM
સુંદર ગઝલ!
સુધીર પટેલ.