સંભવે જો આ યુગે તો આ રીતે જ એ ચીખશે:
હેં સુદામા, જે મળ્યું તે બેય હાથે લઈ લીધું ?
વિવેક મનહર ટેલર

કાંઈ ખોયું નથી – મકરંદ દવે

કાંઈ ખોયું નથી :
તેં હજી ભાઈ, ભરપૂર ભીતર તણું
પાત્ર જોયું નથી.

વાસનાની જ બધી તારી વેદના ,
ભય બતાવે તને ભૂત સૌ ભેદનાં,
તેં જ મનની હજી કાચ-બારી તણું
દ્વાર ધોયું નથી,
કાંઈ ખોયું નથી.

પૃથ્વી તો લ્હેરથી જાય તરતી નભે,
ને અલ્યા,ભાર લાગે તને કાં ખભે ?
તેં જ તારું હજી આત્મનું અવનિમાં
બીજ બોયું નથી,
કાંઈ ખોયું નથી.

સૃષ્ટિ તો બેય હાથે લૂંટાવી જતી,
તેથી તો છાબ એની ન ખાલી થતી,
એ જ હારી જતું હૈયું જેણે બધે
હેત ટોયું નથી,
કાંઈ ખોયું નથી.

-મકરંદ દવે

અહંભાવ ઓગાળ્યા વિના – અનંતના અણુ હોવાની અનુભૂતિ વિના આત્મજ્ઞાન શક્ય નથી.

4 Comments »

  1. Mukesh Kishnani said,

    August 19, 2012 @ 1:59 am

    Wah Makrandbhai khubh saras rachna
    Chhe………………….Danyvad

    કાંઈ ખોયું નથી :

  2. Maheshchandra Naik said,

    August 19, 2012 @ 2:13 pm

    ક્ષણે ક્ષણની અનુભુતિનો આસ્વાદના કવિશ્રી મકર્ંદભાઈને લાખ લાખ સલામ…………….

  3. pragnaju said,

    August 20, 2012 @ 7:27 am

    તેં જ મનની હજી કાચ-બારી તણું
    દ્વાર ધોયું નથી,
    કાંઈ ખોયું નથી.
    સુંદર
    દુનિયામા મનની બારી જ ના હોત તો માનવી નુ સમગ્ર અસ્તિત્વ ગુંગળાઇ ગયુ હોત બાહ્ય જગત ને, તેના સ્વરુપ ને જોઈ શકાયુ ના હોત જરુર છે ફક્ત ધોઇ પવિત્ર રાખવાની

  4. P Shah said,

    August 22, 2012 @ 2:29 am

    ભરપૂર ભીતર તણું પાત્ર જોયું નથી….
    ભીતર જે ભરેલું છે તે જોઇએ તો ખબર પડે કે આપણે કંઇ જ ખોયું નથી.
    ફક્ત ગર્દન ઝુકાવી જોવાની જરૂર છે.
    મનની કાચ-બારી ધોવાની પ્રેરણા આપતી સુંદર રચના !

RSS feed for comments on this post · TrackBack URI

Leave a Comment