દોસ્ત – મુકુલ ચોકસી
એક આખી જિંદગીનો છે એમાં અભાવ દોસ્ત;
આ ખાલી જામનુંય વજન છે ઉઠાવ દોસ્ત.
જીરવી શકાશે પૂર્ણ ઉપેક્ષાનો ભાવ દોસ્ત;
પણ જીરવી ના શકાશે અધૂરો લગાવ દોસ્ત.
દરિયામાં મોજાં આવે, બધે આવતા નથી,
અમથી જ રાહ જોયા કરે છે તળાવ દોસ્ત.
દરિયા-પહાડ-આભમાં જો ના સમાય તો
નાની ચબરખીમાં પ્રણયને સમાવ દોસ્ત.
તાજાકલમમાં એ જ કે તારા ગયા પછી,
બનતો નથી આ શહેરમાં એકે બનાવ દોસ્ત.
– મુકુલ ચોકસી
આજે જ ધ્યાન પર આવ્યું કે આ ગઝલ તો લયસ્તરો પર છે જ નહીં. આ ગઝલની ઓળખાણ મોટા ભાગના લોકોને એના છેલ્લા શેર પરથી હોય છે, જે ઘણો જાણીતો છે. પણ એટલા જ સરસ શેર જીરવી શકાશે… અને દરિયા-પહાડ-આભ... પણ થયા છે. જે પ્રેમ આખી દુનિયામાં ક્યાંય ન સમાય એ પ્રેમને નાની ચબરખીમાં સમાવવાના જાદૂની વાત કવિએ અદભૂત રીતે કરી છે !
Sangita said,
September 5, 2007 @ 8:57 AM
ખૂબ સુંદ્ર ગ્ઝ્લ્ !
વિવેક said,
September 5, 2007 @ 9:04 AM
બધા જ શેર મજાના થયા છે…
જીરવી શકાશે પૂર્ણ ઉપેક્ષાનો ભાવ દોસ્ત;
પણ જીરવી ના શકાશે અધૂરો લગાવ દોસ્ત.
– દોસ્તીની કેટલી સુંદર વ્યાખ્યા !
Pinki said,
September 5, 2007 @ 12:42 PM
તાજાકલમમાં એ જ કે તારા ગયા પછી,
બનતો નથી આ શહેરમાં એકે બનાવ દોસ્ત.
ખૂબ જ સરસ…………….
Jayshree said,
September 5, 2007 @ 2:01 PM
બસ બે જ દિવસ પહેલા આ ગઝલ વાંચી… ત્યારે પણ છેલ્લો શેર વાંચીને થયુ હતું કે હા… આ શેર તો વાંચ્યો છે પહેલા….
પણ તમે કહ્યું એમ, બાકીના શેર પણ સરસ મજાના છે…!!
Bhavna Shukla said,
September 5, 2007 @ 2:30 PM
દરિયા-પહાડ-આભમાં જો ના સમાય તો
નાની ગઝલડી માં પ્રણયને સમાવ દોસ્ત……….
– મન ને ગમ્યુ જે માણવુ તે હોય તો, આવીને પકડી છે આંગળી તમારી
.
Gaurav said,
September 5, 2007 @ 4:50 PM
તારા ગયા પછ…..
vaah…
Just 4 You said,
August 17, 2009 @ 6:47 AM
જીરવી શકાશે પૂર્ણ ઉપેક્ષાનો ભાવ દોસ્ત;
પણ જીરવી ના શકાશે અધૂરો લગાવ દોસ્ત.
દરિયામાં મોજાં આવે, બધે આવતા નથી,
અમથી જ રાહ જોયા કરે છે તળાવ દોસ્ત.
Nice…
k b sopariwala said,
December 22, 2024 @ 10:30 AM
જીંદગી માં જ્યાં અભાવ હોય [પદાર્થ વગર ની વાતછે]
ત્યાં એક કાગળ નો ટુકડો પણ પથ્થર જેવો લાગતો
હોયછે ….પણ હવે આજના સમય માં મારા દોસ્ત પ્રણય
ની વાત રહેવા દે ને અભાવ ને ઈશ્વર ના ઘર તરફ વાળી દે
એજ હીતકર છે જોકે મુકુલભાઈ ની રચના માં જ આનો જવાબ છે
કે બી
જીરવી શકાશે પૂર્ણ ઉપેક્ષાનો ભાવ દોસ્ત;
પણ જીરવી ના શકાશે અધૂરો લગાવ દોસ્ત