ગઝલ – ચિનુ મોદી ‘ઈર્શાદ’
પર્વતને નામે પથ્થર દરિયાને નામે પાણી,
’ઈર્શાદ’ આપણે તો ઈશ્વરને નામે વાણી.
આંસુ ઉપર આ કોના નખની થઈ નિશાની ?
ઈચ્છાને હાથ-પગ છે એ વાત આજે જાણી.
આ શ્વાસની રમતમાં હારી ગયો છું તો પણ,
મારા ઘરે પધારો ઓ ગંજીપાની રાણી.
ક્યારેક કાચ સામે ક્યારેક સાચ સામે,
થાકી જવાનું કાયમ તલવાર તાણી-તાણી.
થાકી જવાનું કાયમ તલવાર તાણી-તાણી,
’ઈર્શાદ’ આપણે તો ઈશ્વરને નામે વાણી.
-ચિનુ મોદી ‘ઈર્શાદ’
ગઈકાલે ચિનુ મોદીની એક રચના આપણે માણી. જોગાનુજોગ આજે હું પણ એમની જ એક રચના લઈને આવ્યો છું. એમની ખૂબ જાણીતી તસ્બી પ્રકારની આ ગઝલ-રચના આજે કોઈપણ વધારાની પૂર્વભૂમિકા વિના જ માણીએ….
પંચમ શુક્લ said,
August 2, 2007 @ 7:08 AM
પર્વતને નામે પથ્થર દરિયાને નામે પાણી,
’ઈર્શાદ’ આપણે તો ઈશ્વરને નામે વાણી.
ચિનુ મોદીની પ્રખ્યાત ગઝલ (તસ્બી) નો વિખ્યાત શેર.
કુણાલ said,
August 2, 2007 @ 7:10 AM
આસ્વાદ કરાવવા બદલ આભાર… આ ગઝલ મારા ગુજરાતી વિષયના પાઠ્યપુસ્તકમાં હતી.. ધોરણ ૧૧ ક્યાં તો ૧૨ માં… યાદો તાજી થઈ ગઈ.. 🙂
ધવલ said,
August 3, 2007 @ 2:44 AM
આંસુ ઉપર આ કોના નખની થઈ નિશાની ?
ઈચ્છાને હાથ-પગ છે એ વાત આજે જાણી.
નખશીખ સુંદર !
Shailesh " SAPAN" said,
August 29, 2007 @ 12:52 AM
આભાર…..