જૂઈ ઝળૂંબી માંડવે ને બાગે બાગે ફાલ,
તું ક્યાં છો વેરી વાલમા? મને મૂકી અંતરિયાળ!
આ ચૈતર જેવી ચાંદની, ને માણ્યા જેવી રાત;
ગામતરાં તને શે ગમે? તું પાછો વળ ગુજરાત.
-બાલમુકુંદ દવે

કોઈ કારણ પુછે તો કહું ખાસ છે ! – તુષાર શુક્લ

આંખોમા બેઠેલા ચાતક કહે છે મારું ચોમાસું ક્યાંક આસપાસ છે,
          ગાલો પર લજ્જાની લાલી ફુટ્યાનું કોઈ કારણ પુછે તો કહું ખાસ છે !

કોરી કુંવારી આ હાથની હથેળીમાં માટીની ગંધ રહી જાગી
તરસ્યા આ હોવાના કોરા આકાશમાં આષાઢી સાંજ એક માંગી
વરસાદી વાર્તાઓ વાંચી વાંચીને હવે ભીજાવું એ તો આભાસ છે
          ગાલો પર લજ્જાની લાલી ફુટ્યાનું કોઈ કારણ પુછે તો કહું ખાસ છે !

કોરપની વેદના તો કેમેય સહેવાય નહીં, રુંવે રુંવેથી મને વાગે
પહેલા વરસાદ તણુ મધમીઠું સોણલું રહી રહીને મારામાં જાગે
નસનસ આ ફાટીને વહેવા ચાહે છે આ તો કેવો અષાઢી ઉલ્લાસ છે
          ગાલો પર લજ્જાની લાલી ફુટ્યાનું કોઈ કારણ પુછે તો કહું ખાસ છે !

આંખોમા બેઠેલા ચાતક કહે છે મારું ચોમાસું ક્યાંક આસપાસ છે
          ગાલો પર લજ્જાની લાલી ફુટ્યાનું કોઈ કારણ પુછે તો કહું ખાસ છે !

– તુષાર શુક્લ 

આ ગીત મોકલવા માટે આભાર, સ્નેહ ત્રિવેદી.

8 Comments »

  1. jayshree said,

    May 9, 2007 @ 12:31 AM

    હસ્તાક્ષરમાં સ્વરબધ્ધ તુષાર શુક્લની બધ્ધી જ રચનાઓ એક થી એક ચડિયાતી છે. મારુ ચાલે તો દરેક રચના ટહુકો પર મુકી દઉં 🙂

    મારું ખુબ જ ગમતું ગીત..

  2. વિવેક said,

    May 9, 2007 @ 2:00 AM

    “હસ્તાક્ષર”ના સમગ્ર સંપુટમાં કદાચ સૌથી વધુ સુંદર રીતે સ્વરાંકિત થયેલી આ રચના છે… જેટલી વાર સાંભળો એટલી વાર વરસાદમાં ભીંજાવું અને વિરહની કોરપ એકસાથે અડતી હોય એવું લાગે… ગાયિકાના ગળામાં કોઈ રણતરસ્યું ચાતક આવી બેઠું હોય એવી તડપ છે જાણે !

  3. પંચમ શુક્લ said,

    May 9, 2007 @ 1:45 PM

    તુષાર શુક્લ અને વિનોદ જોશી બેન્નેને રચનાઓ નારી સંવેદનાઓને બહુ સરસ રીતે ઝીલે છે.
    આ બેન્ને કવિઓ- ગુજરાતી સાહિત્યમાં કવિયત્રીઓના પાંખા પ્રતિનિધિત્વને સુપેરે આચ્છાદે છે.

    પંચમ શુક્લ

  4. sandeep trivedi said,

    February 23, 2008 @ 6:59 AM

    ખૂબ સરસ રચના છે .જો તુષાર ભાઈ નિ આ રચના સાભળવા મળિ જાય તો મજા આવિ જાય્ .
    શુક્દેવ પંડ્યાજી કવિતા ” ભિંતે ચિતરેલા રુડા ગરવા ગણેશ ” અંહિ મૂકવા વિનંતી.

  5. પ્રતિક ચૌધરી said,

    August 31, 2008 @ 12:08 AM

    સ્નેહ આપનો ખુબખુબ આભાર.

  6. Angel Dholakia said,

    May 14, 2009 @ 4:39 AM

    I just love this song!really
    I REALLY LOVE THIS SONG.
    મેં આ ગીત સ્વર-બધ્ધ થયેલું સાંભળ્યું છે.ખરેખર તો “પીધું છે” એમ કહું તો ચાલે.
    thanks.

  7. લયસ્તરો » યાદગાર ગીતો :૨૫: એમ પૂછીને થાય નહીં પ્રેમ – તુષાર શુક્લ said,

    December 18, 2009 @ 9:01 AM

    […] ગીતો લોકપ્રિય થઈ ચૂક્યા છે, જેમ કે- આંખોમા બેઠેલા ચાતક કહે છે, શબ્દ કેરી પ્યાલીમાં, સંગાથે સુખ […]

  8. Hakan said,

    December 13, 2015 @ 9:00 PM

    Such a deep anresw! GD&RVVF

RSS feed for comments on this post · TrackBack URI

Leave a Comment