સાંજના પડછાયા જેવી જિંદગીનું શું કરું ?
હું વધું આગળ જરા ત્યાં એ ખસે પાછળ જરા.
વિવેક મનહર ટેલર

ગઝલ -ચંદ્રેશ મકવાણા

આમ અંદર આમ ખુદની બહાર છું,
આમ ખાલી આમ અનરાધાર છું.

હારનારાની દશા જોયા પછી,
રોમ રોમે કંપતું હથિયાર છું.

જીતવાનો પ્રશ્ન ક્યાં ઉઠે જ છે,
હું સ્વઇચ્છાએ થયેલી હાર છું.

કેદ છે મારામાં લાખ્ખો લાગણી,
દોસ્ત, હું પણ એક કારાગાર છું.

આમ છું હું એક અફવા માત્ર ને
આમ હું આખ્ખા જગતનો સાર છું.

-ચંદ્રેશ મકવાણા

આજે જ આ ગઝલ ફેસબુક પર કવિશ્રીનાં સ્ટેટસમાં વાંચી અને ખૂબ્બ જ ગમી ગઈ, અને થયું કે ગમતાનો ગુલાલ અહીં આજે જ કરી દઉં…

3 Comments »

  1. dr.j.k.nanavati said,

    June 17, 2011 @ 5:00 am

    બહુત અચ્છે…..અશઆર….

  2. ધવલ said,

    June 17, 2011 @ 2:20 pm

    આમ અંદર આમ ખુદની બહાર છું,
    આમ ખાલી આમ અનરાધાર છું.

    હારનારાની દશા જોયા પછી,
    રોમ રોમે કંપતું હથિયાર છું.

    – સરસ !

  3. jigar joshi 'prem' said,

    June 19, 2011 @ 5:30 am

    વાહ કવિ ! સરસ

RSS feed for comments on this post · TrackBack URI

Leave a Comment