સૂઈ જા, ચાદર ! હવે સળ નહિ પડે,
સાંજનો કંકાસ ચાલુ છે હજી.
વિવેક મનહર ટેલર

ગઝલ – સુરેન ઠાકર ‘મેહુલ’

એક રણમાંથી વહ્યાનું દુઃખ છે,
લાગણી રઝળી પડ્યાનું દુઃખ છે.

હાડ હેમાળે ગળ્યાનું દુઃખ નથી,
પણ તમે ના પીગળ્યાનું દુઃખ છે.

વલ્કલે ઢાંકી સતીની આબરૂ,
સભ્યતા રઝળી પડ્યાનું દુઃખ છે.

હાથ ફેલાવી લીધાં ઓવારણાં
ટાચકાને ના ફૂટ્યાનું દુઃખ છે.

બારણાએ વાત આખી સાંભળી
ટોડલા ફાટી પડ્યાનું દુઃખ છે.

રંક આશાઓ અવસ્થા વાંઝણી
બેઉને ભેગા મળ્યાનું દુઃખ છે.

-સુરેન ઠાકર ‘મેહુલ’

2 Comments »

  1. Suresh Jani said,

    September 3, 2006 @ 6:59 am

    રંક આશાઓ અવસ્થા વાંઝણી
    બેઉને ભેગા મળ્યાનું દુઃખ છે.

    માનવ જીવનની વ્યર્થ નિયતિનું આ દર્શન દાદ માંગી લે છે.

  2. Rina said,

    October 3, 2011 @ 8:31 am

    વાહ..

RSS feed for comments on this post · TrackBack URI

Leave a Comment