સમય નામની કણી – એસ. એસ. રાહી
આવેલી એક તક મેં અમસ્તી જ અવગણી
ખટકે છે તે દિવસથી સમય નામની કણી.
કાગળનો શ્વેત રંગ પછી લાલ થઈ જશે,
એ બીકે આંગળીની નથી કાઢતો અણી.
સંતાડી રાખ ધાબળામાં સૂર્યની ઉષ્મા,
જો હું અમીર થઈ ગયો તડકો વણી વણી.
જખ્મો વિશેના અલ્પ પરિચયમાં આટલું:
બિનવારસી છે લાશ ને કોઈ નથી ધણી.
નવરાશ મળી છે એ ક્ષણે વાંચી છે ડાયરી,
મેં રાત વિતાવી નથી તારા ગણી ગણી.
– એસ. એસ. રાહી
ગઝલમાં બધે દુ:ખ, નડતર, અભાવની વાત છે પણ છતાંય એમાં એક જાતનો સંતોષ વરતાય છે. એક નિરાંત અનુભવાય છે. જાત સાથે સમાધાન કરી ચૂકેલો માણસ જ તારા ગણવાને બદલે ડાયરી વાંચીને નવરાશ વિતાવે ને ?
pragnaju said,
January 4, 2009 @ 6:37 PM
કાગળનો શ્વેત રંગ પછી લાલ થઈ જશે,
એ બીકે આંગળીની નથી કાઢતો અણી.
સરસ
આદરણીય ભગવતીભાઈ કહે છે
તૂટી કલમ તો આગળીનાં ટેરવે લખ્યું
તેથી જ રાતી ઝાંય છે મારા બયાનમા.
=============
જખ્મો વિશેના અલ્પ પરિચયમાં આટલું:
બિનવારસી છે લાશ ને કોઈ નથી ધણી.
વાહ્
“દીપ્ કેમ કરે વિસ્વાસ્ એનો,
બિનવારસી લાશ પડી છે એની,
એ જિંદગી નો શું ભરોસો ?
—————————-
નવરાશ મળી છે એ ક્ષણે વાંચી છે ડાયરી,
મેં રાત વિતાવી નથી તારા ગણી ગણી.
શીરમૉર
કાપે છે લોક તારા ગણી જેના માટે રાત …
ક્યાં ક્યાં સુધી નથી ગયો તારી પુકાર પર!
Jina said,
January 5, 2009 @ 3:29 AM
સુંદર અભિવ્યક્તિ!!!
Pinki said,
January 5, 2009 @ 6:28 AM
કાગળનો શ્વેત રંગ પછી લાલ થઈ જશે,
એ બીકે આંગળીની નથી કાઢતો અણી.
બહુત ખૂબ !!
જો કે આખી ગઝલ જ સરસ છે પણ આ શેર …. !!
વિવેક said,
January 5, 2009 @ 9:06 AM
સીધી ને સટ… સુંદર ગઝલ…
vishwajit said,
January 5, 2009 @ 9:35 AM
નવરાશ મળી છે એ ક્ષણે વાંચી છે ડાયરી,
મેં રાત વિતાવી નથી તારા ગણી ગણી.
તારા ગણી ને તારા તો ન બનાય પણ ડાયરી લખિ અને વાંચી ને તારે જમિ પર તો લાવિ જ શકાય
અનામી said,
January 5, 2009 @ 10:58 PM
સુંદર ગઝલ.
Pandya Shailesh said,
February 16, 2013 @ 1:06 AM
સરસ …….