કૃષ્ણ નામે ગ્રંથ ના સમજાય તો પણ,
સાવ સીધો ને સરળ અનુવાદ રાધા !
મૂકેશ જોશી

ગઝલ – વિનોદ ગાંધી

આમ તો નાચીજ છે આખું જગત,
લોભવે એ ચીજ છે આખું જગત.

ચૌદ આની હોય છે ઢંકાયલું,
આભમાંની બીજ છે આખું જગત.

છોડવું ગમતું નથી હર કોઈને,
આ કયું તાવીજ છે આખું જગત ?

નામ લેતાં એક જણ ગિન્નાય છે,
એક જણની ખીજ છે આખું જગત.

ચોતરફ કાદવ રહે છે હરઘડી,
એટલે સરસિજ છે આખું જગત !

-વિનોદ ગાંધી

(સરસિજ=કમળ)

11 Comments »

  1. manhar m.mody said,

    August 28, 2008 @ 5:52 am

    સુંદર ગઝલ. સરળ છતાં ય સાર્થક રદીફ અને કાફીયા. ઝરણાની જેમ ખળખળ વ્હેતી ગઝલ્.

    ‘મન’ પાલનપુરી

  2. Pravin Shah said,

    August 28, 2008 @ 6:22 am

    ચોતરફ કાદવ રહે છે હરઘડી,
    એટલે સરસિજ છે આખું જગત !

    આ શેર ખૂબ ગમ્યો.

    સુંદર ગઝલ !

  3. sudhir patel said,

    August 28, 2008 @ 10:01 am

    રદીફ અને કાફિયાને સરસ રીતે નિભાવતી સુંદર ગઝલ !
    સુધીર પટેલ.

  4. ડૉ. મહેશ રાવલ said,

    August 28, 2008 @ 12:59 pm

    સહજરીતે,પોતાની વાતને રજૂ કરવા માટે અઘરા શબ્દોની કોઇ જ જરૂરિયાત નથી હોતી-આ ગઝલ વાંચ્યા પછી એવું નથી લાગતું ?- મને લાગે છે !!!!
    કેવા સરળ અને સહજ શબ્દોમાં આખા જગત ને આવરી લીધું છે કવિએ……..!
    અભિનંદન…
    કવિશ્રી અને લયસ્તરો બન્નેને..!

  5. ધવલ said,

    August 28, 2008 @ 10:30 pm

    છોડવું ગમતું નથી હર કોઈને,
    આ કયું તાવીજ છે આખું જગત ?

    – સરસ !

  6. pragnaju said,

    August 29, 2008 @ 5:59 am

    ઝાનિ ગઝલ
    ચોતરફ કાદવ રહે છે હરઘડી,
    એટલે સરસિજ છે આખું જગત !
    ખુબ સરસ

  7. કુણાલ said,

    August 29, 2008 @ 6:56 am

    મજાની વાત … સુંદર ગઝલ …

    નિદા ફાઝલીની ગઝલનો એક શેર યાદ આવે છે …

    दुनिया जिसे कहेते है जादु का खिलौना है
    मिल जाए तो मिट्टी है खो जाए तो सोना है… !!!

  8. mahesh Dalal said,

    August 29, 2008 @ 2:05 pm

    ખુબ સરસ ભાવ નિ અભિવ્યક્તિ.. ગમિ ગે.

  9. રઈશ મનીઆર્ said,

    August 30, 2008 @ 1:54 am

    વિનોદભાઇ, ખૂબ સરસ ગઝલ છે. પ્રત્યેક શેર સુન્દર. ગઝલના સ્વરૂપ પરની આપની પકડ અને આપની ઉચ્ચ વૈચારિક ભૂમિકા બન્ને પ્રતિબિંબિત થાય છે.
    રઈશ

  10. Pratik Chaudhari said,

    August 30, 2008 @ 5:53 am

    સરસિજ કંયા આવુ જગત,
    મને લાગ્યુ કાદવ જગત.

  11. Lata Hirani said,

    August 30, 2008 @ 1:30 pm

    ભાઇ અમને તો ઉપરનો અઁકિત ત્રિવેદીનો શેર…. કાફિયાનું ધ્યાન રાખુ છુઁ… અત્યંત ગમ્યો

RSS feed for comments on this post · TrackBack URI

Leave a Comment