આમ જુઓ તો દરેક માણસ હરતી ફરતી સંવેદનની થપ્પી નહીં તો બીજું શું છે?
ડૂમા ઉપર ડૂસકાં ઉપર હીબકાં ઉપર સપનાં ઉપર બીજું પણ કંઈ ઘણું બધું છે.
અનિલ ચાવડા

સવાર કરવામાં – અશોક ચાવડા ‘બેદિલ’

હતું જે એય ગયું ફેરફાર કરવામાં;
દીવો બુઝાઈ ગયો અંધકાર કરવામાં.

હવે જગાડ ન સૂતો છું હું હકીકતમાં,
જરાક વાર કરી તેં સવાર કરવામાં.

નદીની જેમ અગર ચાલશો થશે રસ્તા,
ખડક ઊભા જ રહ્યા છે વિચાર કરવામાં.

અરે ઓ પારધી ટહુકા ન ધ્યાનથી સાંભળ,
ધ્રૂજે છે હાથ હજી જો શિકાર કરવામાં.

ફરક પડે ન અરીસાને શી રીતે ‘બેદિલ’,
તૂટી ગયો છું હું ટુકડા હજાર કરવામાં.

-અશોક ચાવડા ‘બેદિલ’

અશોક ચાવડાની એક મજેદાર ગઝલ. ગઝલનો પહેલો જ શેર કોઈ છીપ ઉઘાડીએ અને મોતી નીકળે એવી સફળ નજાકતથી કેવો મસ્ત ખૂલે છે ! બીજો શેર પણ એ રીતે હાંસિલે-ગઝલ શેર થયો છે. કઈ સવારના અનુલક્ષમાં કવિ હકીકતનું અનુસંધાન આપે છે?

7 Comments »

  1. Shah Pravinchandra Kasturchand said,

    July 12, 2008 @ 6:55 am

    લોકોએ ભલે ફેરવી દીધા ફેરા સાત બંનેના
    જિંદગી આખી ગુજરી બે દિલ એક કરવામાં.

  2. ધવલ said,

    July 12, 2008 @ 8:00 am

    નદીની જેમ અગર ચાલશો થશે રસ્તા,
    ખડક ઊભા જ રહ્યા છે વિચાર કરવામાં.

    – ઉત્તમ !

  3. Pinki said,

    July 12, 2008 @ 8:13 am

    હવે જગાડ ન સૂતો છું હું હકીકતમાં,
    જરાક વાર કરી તેં સવાર કરવામાં.

    સૂવું – જગાડવું – સવાર
    શબ્દો પાસે સહજતાપૂર્વક કામ કરાવી લીધું છે.

    આજ હું ‘બેદિલ’ રડ્યો ત્યારે થઈ છે જાણ,
    ખૂબ ભીંજાતી હતી મારામાં કોરી મા.

    રડવું – ભીંજાવું – કોરાપણું

    નદીની જેમ અગર ચાલશો થશે રસ્તા,
    ખડક ઊભા જ રહ્યા છે વિચાર કરવામાં.- સુંદર પ્રેરણાદાયી શેર !!

  4. pragnaju said,

    July 12, 2008 @ 9:01 am

    બેદિલની દિલદાર ગઝલ
    તેમાં આ શેર
    અરે ઓ પારધી ટહુકા ન ધ્યાનથી સાંભળ,
    ધ્રૂજે છે હાથ હજી જો શિકાર કરવામાં.
    વાહ્
    યાદ ગુંજી
    ખડા ન દીખે પારધી,લગા ન દીખે બાણ;
    મેં પૂછું તોંસે હે સખી,કિસ બિધ તજે હૈ પ્રાણ.
    જલ થોડા નેહ ઘણાં,લગે પ્રીત કે બાણ;
    તૂ પી, તૂ પી, કર રહે,ઈસ બિધ તજે હૈ પ્રાણ.
    હરણને પારધી મારે છે એ તો જાણતો’તો હું;
    તરસ એની જ ખુદ હણશે, મને એની ખબર ન્હોતી.
    નથી એમ મળતા અહીં જીવ ‘ઘાયલ’,
    પરસ્પર દીવાના જવલ્લે મળે છે.

  5. Harikrishna said,

    July 12, 2008 @ 2:42 pm

    Very very nice indeed. I loved it immensely.
    Thanks.

  6. himmat kataria said,

    July 18, 2008 @ 7:15 am

    nice

  7. dr.ketan karia said,

    April 25, 2014 @ 8:52 am

    નદીની જેમ અગર ચાલશો થશે રસ્તા,
    ખડક ઊભા જ રહ્યા છે વિચાર કરવામાં.

RSS feed for comments on this post · TrackBack URI

Leave a Comment