શૂન્યતા મહેમાન થઈ આવી ચડી,
કાગડાનું વેણ ફારસ નીકળ્યું.
– રક્ષા શુકલ

હશે – અમર પાલનપુરી

આંખોમાં છલકતો કૈફ હશે, હાથોમાં ભરેલા જામ હશે;
બોલાવ્યા અમે ના બોલીશું, પણ હોઠે તમારું નામ હશે.

મેં લાખ ગુનાઓ કીધાં છે, પણ સાવ નિખાલસ હૈયાથી;
હો નર્ક જ મારું ધામ ભલે, પણ સ્વર્ગમાં મારું નામ હશે.

હું તુજને કરી દઉં માફ ભલે, પણ લોક નહીં છોડે તુજને;
જે માર્ગમાં માર્યો તેં મુજને, એ માર્ગ પર મારું નામ હશે.

હો દિલમાં ભલે સો દર્દ ‘અમર’, હમદર્દી ખપે ના દુનિયાની;
મનગમતો દિલાસો મળશે તો, આરામ હશે આરામ હશે.

– અમર પાલનપુરી

મુશાયરાને કદાચ ડોલાવી શકનારી આ ગઝલના ગુણ-દોષ મુક્તમને ચર્ચવા સૌ રસિકોને આમંત્રણ છે……

7 Comments »

  1. Dr. Jagdip said,

    April 28, 2013 @ 4:54 AM

    મુશાયરો ડોલવા અને ડોલાવવા માટેજ હોય છે…બાકી…

    એમને છો આવતી એમા મજા
    શબ્દ ભારેખમ સદા હોતી સજા…..
    જે.કે.

  2. pragnaju said,

    April 28, 2013 @ 8:25 AM

    ગઝલ કાશી હુરટના અમારા અમરની અમર ગઝલ
    તેમના ઉઝરડા મા માણશો
    ફરી ફરી માણશો
    કાંઇ લખવાનું રહેશે નહીં
    અનુભૂતિ થશે…!

  3. Dhaval said,

    April 28, 2013 @ 8:52 AM

    મેં લાખ ગુનાઓ કીધાં છે, પણ સાવ નિખાલસ હૈયાથી;
    હો નર્ક જ મારું ધામ ભલે, પણ સ્વર્ગમાં મારું નામ હશે.

    – આ શેર હજુ યાદ છે !

  4. Maheshchandra Naik said,

    April 29, 2013 @ 4:56 PM

    અમારા સુરતના લોકપ્રિય શાયર અમરભાઈની ખુબ જ જાણીતી ગઝલ માણીને ખુબ આનદ થયો……………………………………………
    “પ્રગનાજુ”ની વાત સાથે સમ્ંત થઈ ઉઝરડા સાથે રુઝ પણ માણવા જેવો ગઝલસંગ્રહ છે……

  5. વિવેક said,

    April 30, 2013 @ 2:35 AM

    મુક્તમને ગઝલના ગુણ-દોષની ચર્ચા?

    આ વળી કયું પ્રાણી છે, દોસ્ત? ગુજરાતી સાહિત્યમાં તો કદાચ આવો ધારો જ નથી અને કોઈ વ્યક્તિ કોઈકની કવિતાની મુક્તમને ચર્ચા કરે તો કવિને માઠું લાગી જતું હોય છે…

    ચાર શેરની ગઝલ પણ લગભગ બધા જ શેર સામાન્ય કક્ષાના… એક પણ શેર અભિધાથી ઉપર ઊઠી શકતો નથી…

  6. Harshad said,

    May 1, 2013 @ 9:23 PM

    I like this gazal ‘The Most’.

  7. La'Kant said,

    May 6, 2013 @ 10:01 AM

    “મહેકો એમના સાંનિધ્યમાં, હે શ્વાસ-ઉચ્છવાસો !
    પવન ફોરમ બને છે પુષ્પની નજદીક આવીને. ” / ગની દહીંવાલા

    પોતાનું પ્રિય પાત્ર “હૂર’…વધુ સુગંધી ,
    અને પોતાનું મધ વધુ મીઠું.ખરુંને?

    This is ok., rest….very routine…common..nothing special about it!
    We all are ” U N I Q U E “…SO NON-COMPARABLE TOO !

    લા’ / ૬-૫-૧૩

RSS feed for comments on this post · TrackBack URI

Leave a Comment