પહેલી શરત – દક્ષા બી. સંઘવી
હર ઘડી પર કર ખુશીના દસ્તખત,
લાગશે સુંદર પછીથી આ જગત.
દિલ નિરાકારે જુએ આકારને;
શિલ્પી માટે હોય એ પહેલી શરત.
તું સુગંધિત, ફૂલને પીંખ્યા વિના,
હે હવા! હુન્નર તને એ હસ્તગત!
શ્વાસ ઊભા હરક્ષણે તહેનાતમાં,
રાજવી તું, જિંદગી આ સલ્તનત!
વ્યગ્ર થઈને શોધતી’તી હું મને;
આંખ એની આયનો થઈ ગઈ તરત!
કૈં ઉકેલે, કૈં રહસ્યો ગોપવે;
જિંદગી જાણે પુરાણી હસ્તપ્રત!
– દક્ષા બી. સંઘવી
ભીતર ખુશી ન હોય તો જગતમાં કશું પણ સુંદર લાગતું નથી. પણ દિલમાં આનંદ હોય તો દુનિયા આખી ખુબસૂરત લાગે છે એ વાત કવયિત્રીએ કેવી સરસ રીતે રજૂ કરી છે! વધા જ શેર સુંદર અને અર્થગહન થયા છે.
મયંક પટેલ said,
April 11, 2020 @ 4:23 AM
સરસ
JAFFER KASSAM said,
April 11, 2020 @ 4:30 AM
.ભીતર ખુશી ન હોય તો જગતમાં કશું પણ સુંદર લાગતું નથી. પણ દિલમાં આનંદ હોય તો દુનિયા આખી ખુબસૂરત લાગે છે.
PALASH SHAH said,
April 11, 2020 @ 6:15 AM
સરસ રચના છે
એકલતા ને એકાન્ત મા બદલનાર
pragnajuvyas said,
April 11, 2020 @ 9:09 AM
સુ શ્રી દક્ષા બી. સંઘવીની ધારદાર અને રમણીય ગઝલ .
અને
ડો વિવેકનો ભીતરનો ખુશી આપતો આસ્વાદ.
હર ઘડી પર કર ખુશીના દસ્તખત,
લાગશે સુંદર પછીથી આ જગત.
અર્થગહન મત્લા મા સમજાય છે કે દિલમાં આનંદ હોય તો દુનિયા આખી ખુબસૂરત યાદ આવે…
જાન લગાદી હમને “ખુશી” કો “દસ્તખત” બનાનેમેં….
ઔર ઝમાના ફીર સે અંગૂઠે પે આ ગયા..
પણ આ ખુશી માટે
દિલ નિરાકારે જુએ આકારને;
શિલ્પી માટે હોય એ પહેલી શરત.
ખૂબ સુંદર પહેલી શરત અને સહજ સમજાય તેવુ દ્રુષ્ટાંત
તું સુગંધિત, ફૂલને પીંખ્યા વિના,
હે હવા! હુન્નર તને એ હસ્તગત!
વાહ અને
કૈં ઉકેલે, કૈં રહસ્યો ગોપવે;
જિંદગી જાણે પુરાણી હસ્તપ્રત!
અફલાતુન મક્તા ‘…
‘રહસ્યો ગોપવે.’ આ ચાલી શકે? અને પ્રેમની પહેલી શરત છે વરસી જવું. ભીતરનો ગોરંભો ખાલી ન કરે અને ચાલી નીકળે એવા પ્રેમસંબંધ કઈ રીતે ‘ચાલી‘ શકે ?
હરિહર શુક્લ said,
April 12, 2020 @ 7:27 AM
વાહ વાહ મોજ 👌
Kajal kanjiya said,
April 13, 2020 @ 5:07 AM
વાહહહ મજાની ગઝલ
મહેન્દ્ર એસ.દલાલ. said,
April 13, 2020 @ 10:56 AM
અતિ સુંદર
Dr Heena Mehta said,
April 18, 2020 @ 12:20 PM
ખૂબ મીઠાશ ભરી છે !!