ગઝલ – ભાવેશ ભટ્ટ ‘મન’
અંધારા પણ બાંધે માળો;
મારો સૂરજ કેવો કાળો.
જ્યારે આવો સ્વાગત કરશે,
મારા ઘરમાં છે કંટાળો.
લાખો આંસુ આવ્યાં ક્યાંથી?
બે આંખોનો છે સરવાળો!
સમય બતાવે સૌના ચહેરા,
ચારે બાજુ છે ઘડિયાળો.
પિંજરમાં જે રાખે તમને,
એવા ઈશ્વરને ના પાળો.
એકલતા તો બચકાં ભરશે,
જલદી-જલદી પાછી વાળો.
– ભાવેશ ભટ્ટ ‘મન’
ટૂંકી બહેરની સશક્ત ગઝલ. એક એક શેર સરસ થયો છે. દુ:ખમાં પરિણામેલા સંબંધની વાત કવિ કેવી સિફતથી કરે છે – લાખો આંસુ આવ્યાં ક્યાંથી? બે આંખોનો છે સરવાળો!
વિવેક said,
March 6, 2007 @ 9:16 AM
પિંજરમાં જે રાખે તમને,
એવા ઈશ્વરને ના પાળો.
-સરસ ગઝલ…
Harshad Jangla said,
March 6, 2007 @ 8:14 PM
સમય બતવે સહુના ચહેરા……
સુંદર ગઝલ
હર્ષદ જાંગલા
એટલાન્ટા
યુએસએ