હાસ્યમેવ જયતે : ૦૨ : ઊંદર બનીને આવો ! – ડૉ બટુકરાય પંડયા
બરડાને છે તમન્ના, હંટર બનીને આવો,
ઘાયલ જીગરને કરવા, ખંજર બનીને આવો !
આવ્યા શું ? જાઓ છો’શું ? મહેફિલ તો છે અધૂરી,
આવો તો કોક વેળા ગુંદર બનીને આવો !
આ મોંઘવારીમાં પણ દાણા મફત મળે છે,
કિન્તુ એ એક શરતે, ઊંદર બનીને આવો !
જન્મ્યા વગરના બાળક ! તમને શી રીતે કહેવું ?
અહીંયા છે માપબંધી, નંબર બનીને આવો !
ડેમોક્રસીમાં નેતા ફરિયાદીને કહે છે,
કાં તો સભા ભરો કાં ટીંગર બનીને આવો !
મોઢામાં વાસ આવે તો પણ ગુનો બને છે,
આ ડ્રાઈ-એરિયા છે, ટિંચર બનીને આવો !
પથ્થરોની ઠોકરોથી મારી મજલ ન અટકી,
અટકાવવા ચહો તો ડુંગર બનીને આવો !
રાત્રે ઉજાગરા ને દિનભર કરે ઢસરડા,
દુર્ભાગી શાયરોને નીંદર બનીને આવો !
– ડૉ બટુકરાય પંડયા
ત્રીજો શેર જુઓ….ક્લાસિક વ્યંગ.
Prahladbhai Prajapati said,
December 7, 2020 @ 8:45 AM
વ્ય્ન્ગ સ્ભર વેદ ના નિ ર્જુઆત
pragnajuvyas said,
December 7, 2020 @ 10:49 AM
ડૉ બટુકરાય પંડયાની હાસ્યકવિતાની રમુજથી મરક મરક
ડેમોક્રસીમાં નેતા ફરિયાદીને કહે છે,
કાં તો સભા ભરો કાં ટીંગર બનીને આવો !
ભારત અને અમેરિકા જેવાની ડેમોક્રસીમા અનુભવાયેલી વાતની રમુજ!
મોઢામાં વાસ આવે તો પણ ગુનો બને છે,
આ ડ્રાઈ-એરિયા છે, ટિંચર બનીને આવો !
ગુજરાત જેવા ડ્રાય એરિયા ની હાલત અંગે રમુજી વાત
Dhaval Shah said,
December 8, 2020 @ 9:43 PM
બરડાને છે તમન્ના, હંટર બનીને આવો,
ઘાયલ જીગરને કરવા, ખંજર બનીને આવો !
આવ્યા શું ? જાઓ છો’શું ? મહેફિલ તો છે અધૂરી,
આવો તો કોક વેળા ગુંદર બનીને આવો !
આ મોંઘવારીમાં પણ દાણા મફત મળે છે,
કિન્તુ એ એક શરતે, ઊંદર બનીને આવો !
– સરસ્!
Hatim said,
January 6, 2021 @ 9:14 AM
સુંદર રજુઆત.