હો રંગ રસિયા -અવિનાશ વ્યાસ
હો રંગ રસિયા, ક્યાં રમી આવ્યા રાસ જો ?
આ આંખલડી રાતી રે, ઉજાગરો ક્યાં રે કીધો ?
આજ અમે ગ્યા’તા મણિયારાને હાટ જો,
આ ચૂડલિયું રે મૂલવતાં વ્હાણલાં વાઈ ગિયાં. હો રંગ o
આજ અમે ગ્યા’તાં દોશીડાને હાટ જો,
આ ચૂંદલડી રે મૂલવતાં વ્હાણલાં વાઈ ગિયાં. હો રંગ o
આજ અમે ગ્યા’તાં મોચીડાને હાટ જો,
આ મોજડિયું રે મૂલવતાં વ્હાણલાં વાઈ ગિયાં. હો રંગ o
-અવિનાશ વ્યાસ
આજકાલ ચાલી રહેલી આ ગરબા-રાસની મૌસમમાં આજે અવિનાશભાઈનો એક ખૂબ જ લોકપ્રિય રાસ માણીએ… ઉષા મંગેષકર અને હેમુ ગઢવીનાં સ્વરમાં આ રાસ આપ અહીં સાંભળી શકો છો.
ઉલ્લાસ ઓઝા said,
October 21, 2010 @ 3:40 AM
અવિનાશભાઈઍ ગુજરાતી ગીત-સંગીત અને રાસ-ગરબાને આપેલી ઍક અણમોલ ભેટ.
kishoremodi said,
October 21, 2010 @ 11:29 AM
મને ગમતો રાસ વાંચીને ખૂબ આનંદ અનુભવ્યો.ખરેખર મજા પડી. આભાર
Bharat Trivedi said,
October 21, 2010 @ 2:09 PM
આ ગરબાની કોઈ parody કરે તો મઝા પડે! હવે તો એકલા રાસ રમી આવેલા રંગ રસિયાની આંખ રાતી નહીં પણ black and blue ઘર આંગણે જ થઈ જાય! અને મહામૂલી મોજડીઓનો વરસાદ થાય તે તો વધારાનો!
mahesh dalal said,
October 24, 2010 @ 11:38 AM
શતબ્દિ વર્રસ્ મા અવિનાશ ને યાદ કરિએ .. ખુબ આનન્દ સાથે ..