કોઈ હસી ગયો અને કોઈ રડી ગયો
કોઈ પડી ગયો અને કોઈ ચડી ગયો
થૈ આંખ બન્ધ ઓઢ્યું કફન એટલે થયું
નાટક હતું મઝાનું ને પડદો પડી ગયો
શેખાદમ આબુવાલા

એક હુંફાળો માળો ! – તુષાર શુક્લ

હળવે હળવે શીત લહેરમા ઝુમી રહી છે ડાળો,
સંગાથે સુખ શોધીએ રચીએ એક હુંફાળો માળો !

એકમેકને ગમતી સળીઓ શોધીએ આપણે સાથે;
મનગમતા માળાનું સપનુ જોયુ છે સંગાથે.
અણગમતુ જ્યાં હોય કશું ના માળો એક હુંફાળો,

સંગાથે સુખ શોધીએ રચીએ એક હુંફાળો માળો !

મનગમતી ક્ષણ ના ચણચણીએ ના કરશું ફરિયાદ;
મખમલ મખમલ પીંછા વચ્ચે રેશમી હો સંવાદ.
સપના કેરી રજાઇ ઓઢી માણીએ સ્પર્શ સુંવાળો,

સંગાથે સુખ શોધીએ રચીએ એક હુંફાળો માળો !

મઝિયારા માળામા રેલે સુખની રેલમછેલ;
એકમેકના સાથમાં શોભે વૃક્ષને વીંટી વેલ.
મનહર મદભર સુંદરતામા હોયે આપણો ફાળો

સંગાથે સુખ શોધીએ રચીએ એક હુંફાળો માળો !

– તુષાર શુક્લ

પ્રસન્ન સાનિધ્યને ઉજવતું આ ગીત મોકલવા માટે આભાર, સ્નેહ ત્રિવેદી.

આગળ મૂકેલું તુષારભાઈનું ખૂબ જ સરસ ગીત એમ પૂછીને થાય નહીં પ્રેમ પણ આ સાથે જોશો. અને, સાથે સાથે ટહુકા પર જયશ્રીએ મૂકેલા એમના બે મઝાના ગીત પણ સાંભળો. આજનો દિવસ આખો મઘમઘ થઈ જવાની ગેરેંટી !

5 Comments »

  1. sonal said,

    April 28, 2007 @ 5:43 AM

    ખુબ સુન્દર્ એક આશા સ્ભ્રર અને જાને મારુ પોતાનુ

  2. Pranav Shukla said,

    April 28, 2007 @ 12:50 PM

    Nice. Thanks to Sneh Trivedi for sharing.

  3. રસિક ઠાકર said,

    April 30, 2007 @ 8:18 AM

    અદભુત, શ્રી તુષારભાઈ અદભુત.

    “એકમેકને ગમતી સળીઓ શોધીએ આપણે સાથે;
    મનગમતા માળાનું સપનુ જોયુ છે સંગાથે.
    અણગમતુ જ્યાં હોય કશું ના માળો એક હુંફાળો,”

  4. avdhesh said,

    September 14, 2008 @ 3:30 AM

    આભાર બહેન સ્નેહ!

  5. Tulsi Shastri said,

    May 24, 2011 @ 9:05 PM

    Can you please upload two very nice songs …

    1) Maara sapna maa avya Hari
    2) chalne chalya jaiye haath laine haath maa…..

RSS feed for comments on this post · TrackBack URI

Leave a Comment