(જીવ્યા) – દિનેશ કાનાણી
સાવ ટૂંકા પગારમાં જીવ્યા,
તોય કાયમ હકારમાં જીવ્યા.
ડગલે પગલે ઝૂકી ગયા જે લોક,
એ બધાયે ઉધારમાં જીવ્યા.
માત્ર પંખી ઊડે ગગનમાં બસ,
માણસો તો કતારમાં જીવ્યા.
રાત જેવી આ જિંદગી છે પણ,
ફૂલ જેવું સવારમાં જીવ્યા.
લીધું દીધું કરી કરી કાયમ,
મનની ઊંડી વખારમાં જીવ્યા.
– દિનેશ કાનાણી
લયસ્તરોના આંગણે કવિના નવા સંગ્રહ ‘ઋણાનુબંધ’ને હાર્દિક આવકાર…
અટપટી ભાષા અને અચંબિત કરનાર રૂપકોની ભરમાર વિના, સાવ સહજ-સાધ્ય ભાષામાં લખાતી સારી ગઝલોની યાદી કરવા બેસીએ તો આ ગઝ્લને અવશ્ય એમાં સ્થાન આપવું પડે. સરળ બાનીમાં આલેખાયેલ પાંચેય શેર ધ્યાનાર્હ થયા છે.
શૈલેશ ગઢવી said,
January 11, 2025 @ 11:23 AM
વાહ , શુભેચ્છાઓ,સ્વાગત
સુનીલ શાહ said,
January 11, 2025 @ 12:37 PM
મજાની અભિવ્યક્તિ
કવિના નવા ગઝલસંગ્રહનું સ્વાગત છે.
Ramesh Maru said,
January 11, 2025 @ 3:14 PM
વાહ…..
ડો.મહેશ રાવલ said,
January 13, 2025 @ 8:14 AM
વાહ…ડો.વિવેકભાઈ
આપની સાથે ૧૦૦% સંમત.
સરસ શેર
મિત્ર કવિ દિનેશભાઈને નવતર ગઝલસંગ્રહ “ઋણાનુબંધ” બદલ ગઝલપૂર્વક અભિનંદન
Varij Luhar said,
January 14, 2025 @ 4:56 PM
વાહ..
‘ ઋણાનુબંધ ‘ ને આવકાર અભિનંદન શુભકામનાઓ
Vrajesh said,
January 16, 2025 @ 3:52 PM
વાહ
આરતી સોની said,
February 7, 2025 @ 3:45 AM
વાહ વાહ