(બતાવ્યું) – અંજના ભાવસાર ‘અંજુ’
હતું કામ અઘરું, કરીને બતાવ્યું;
કરી યાદ તમને હસીને બતાવ્યું!
તમારી સ્મરણશક્તિને દાદ આપું,
વચન ભૂલવાનું ભૂલીને બતાવ્યું.
ફકત જોર ઇચ્છાનું કારણમાં એના;
વગર પાંખે મેં જે ઊડીને બતાવ્યું.
ભલે લોકો ગુણગાન ગાતાં હવાનાં,
તમારા વિચારે શ્વસીને બતાવ્યું!
સહજ સ્મિત ને સાથ આંખોમાં મસ્તી;
તમે સાદગીથી સજીને બતાવ્યું.
પ્રવાહી ગુણો અવગણીને સ્વયંના,
ગજબ! આંસુઓએ ઠરીને બતાવ્યું.
હવે મન મગન એની મસ્તીમાં રહેશે;
મેં સ્પર્ધાથી બસ, દૂર રહીને બતાવ્યું.
– અંજના ભાવસાર ‘અંજુ’
પ્રવર્તમાન ગઝલકાર સ્ત્રી સર્જકોમાં અંજના ભાવસાર વિચારશીલ શેર અને છંદની સફાઈના કારણે અલગ તરી આવે છે. એમની ગઝલના પ્રમાણમાં સરળ લાગતા શેર પણ બીજા-ત્રીજા વાંચને વધુ પ્રભાવિત કરી શકે છે એ મારી પ્રત્યક્ષાનુભૂતિ છે. પ્રસ્તુત ગઝલ એનું એક ઉદાહરણ છે… બધા જ શેર મનનીય થયા છે…
Hemant Punekar said,
February 6, 2025 @ 12:38 PM
વાહ, મજાની ગઝલ થઈ છે!
નેહા પુરોહિત said,
February 6, 2025 @ 12:43 PM
સરસ રચના.
ત્રીજો અને છઠ્ઠો શેર વધુ ગમ્યા.
કવયિત્રીને અભિનંદન..
Varij Luhar said,
February 6, 2025 @ 12:51 PM
વાહ સરસ ગઝલ
Ramesh Maru said,
February 6, 2025 @ 1:34 PM
સુંદર ગઝલ…
Anjana bhavsar said,
February 6, 2025 @ 2:00 PM
ખૂબ ખૂબ આભાર વિવેકભાઈ..
Kiran Jogidas said,
February 6, 2025 @ 2:07 PM
વાહ..સરસ ગઝલ છે
FALGUNI RAJGOR said,
February 6, 2025 @ 2:14 PM
Super se upar….. Keep it up dear.
FALGUNI RAJGOR said,
February 6, 2025 @ 2:17 PM
Super se upar….. Keep it up dear.
6th line is very nice.
જાગૃતિ તન્ના said,
February 6, 2025 @ 2:27 PM
વાહ…વાહ. ક્યા બાત … ઇર્શાદ
DILIPKUMAR CHAVDA said,
February 6, 2025 @ 2:32 PM
પ્રવાહી ગુણો અવગણીને સ્વયંના,
ગજબ! આંસુઓએ ઠરીને બતાવ્યું
અદ્ભુત અદ્ભુત અદ્ભુત
DILIPKUMAR CHAVDA said,
February 6, 2025 @ 2:34 PM
પ્રવાહી ગુણો અવગણીને સ્વયંના,
ગજબ! આંસુઓએ ઠરીને બતાવ્યું
અદ્ભુત અદ્ભુત અદ્ભુત
બધા જ શેર શિરોમણિ થયા છે
Leena Pratish said,
February 6, 2025 @ 2:41 PM
વચન ભૂલવાનું ભૂલીને બતાવ્યું…સરસ ગઝલ
Dr Sejal Desai said,
February 6, 2025 @ 6:43 PM
વાહ..ખૂબ સરસ ગઝલ……કરીને બતાવ્યું…અભિનંદન
Jigisha Desai said,
February 6, 2025 @ 8:52 PM
Vahh…Khubsaras gazal
આરતી સોની said,
February 7, 2025 @ 12:43 AM
વાહ
સરસ ગઝલ
Dhrutimodi said,
February 8, 2025 @ 5:25 AM
વાહ ખૂબ સરસ કહ્યું ગઝલમાં સુંદર ગઝલ !
હવે મન મગન એની મસ્તીમાં રહેશે
મેં સ્પર્ધાથી બસ, દૂર રહી બતાવ્યું !
વાહ, સહજભાવે પણ ખુમારીથી કંઈક સાહસ કરી બતાવ્યું !
રાજેશ હિંગુ said,
February 8, 2025 @ 12:30 PM
વાહ.. મજાની ગઝલ… કવયિત્રીને અભિનંદન