(વિસામો આપવામાં) – લિપિ ઓઝા
દયાને આવકારો આપવામાં,
ગુમાવ્યું ઘર વિસામો આપવામાં.
પછી જો હાલ સામો એ પૂછે તો?
હતું જોખમ દિલાસો આપવામાં.
કદી લાગે છે કે મરવુંય પડશે,
‘જીવું છું’નો પુરાવો આપવામાં.
પછીથી આંખ આરોપીની વાંચી,
ઉતાવળ થઈ ચુકાદો આપવામાં.
મળ્યો સંતોષ જનસેવા કર્યાનો,
વિનામૂલ્યે તમાશો આપવામાં.
હલેસા એની પાસે રાખશે બસ,
નથી વાંધો તરાપો આપવામાં.
– લિપિ ઓઝા
સંઘેડાઉતાર રચના. દરેક શેર મનનીય.
રિયાઝ લાંગડા(મહુવા). said,
February 9, 2024 @ 12:34 PM
વાહ…👌👌
Pramod Ahire said,
February 9, 2024 @ 3:11 PM
Nice one
બાબુ સંગાડા said,
February 9, 2024 @ 6:57 PM
ખૂબ સુંદર ગઝલ ને આસ્વાદ હ્રદયગમ્ય
DILIPKUMAR CHAVDA said,
February 13, 2024 @ 4:47 PM
વાહ જી વાહ