એટલા દૂર ન જાઓ – ઉશનસ્
વિનવું: એટલા દૂર ન જાઓ,
કે પછી કદી યે યાદ ના આવો;
માનું, અવિરત મળવું અઘરું,
માગ્યું કોને મળતું સઘળું?
કગરુંઃ એટલા ક્રૂર ન થાઓ,
કે પછી ક્દી યે યાદ ન આવો…વિનવું…..
જાણું: નવરું એવું ન કોઈ
કેવળ મુજને રહે જે જોઈ;
તો યે આવા નિષ્ઠુર ન થાઓ,
કે પછી ક્દી યે યાદ ન આવો…વિનવું….
રાહ જોઈ જોઈ ખોઈ આંખ્યું,
પણ શમણું તમ સાચવી રાખ્યું;
છેલ્લું એ હરી નૂર ન જાઓ
કે પછી ક્દી યે યાદ ન આવો…વિનવું…..
આ વેલ મુજ અંસવન ટોઈ,
રહી ફળની આશ ન કોઈ;
પણ છેક ન નિર્મૂળ થાઓ.
કે પછી ક્દી યે યાદ ન આવો,
વિનવું, એટલા દૂર ન જાઓ
કે પછી ક્દી યે યાદ ન આવો.
– ઉશનસ્
बेशक मंदिर-मस्जिद तोड़ो,बुल्लेशाह ये कहता
पर प्यार भरा दिल कभी न तोड़ो,इस दिल में दिलबर रहता
pragnajuvyas said,
August 10, 2023 @ 1:55 AM
વાહ્…..
કંઈક અલગ જ અંદાજ છે
રાહ જોઇ જોઇ ખોઇ આખ્યું
જાણ્યું : નવરું એવું ન કોઇ
કેવળ મને જ રહે જે જોઇ;
તો ય લ્યો, આમ નિષ્ઠુર ન થાઓ
કે પછી ક્યારેય યાદ ન આવો….
વિવેક said,
August 10, 2023 @ 11:01 AM
વાહ… મસ્ત મજાની રચના…
લતા હિરાણી said,
August 15, 2023 @ 4:11 PM
જરા જુદી જ વાત !