સુખનું શબ્દચિત્ર – મધુસૂદન પટેલ ‘મધુ’
આ શબ્દચિત્ર મારા સુખનું છે, લો જુઓ જી,
બે પાંદડે થયો છું, છું જન્મજાત મોજી.
નાના પ્રસંગ સુખના મોટા કર્યા છે આમ જ,
લાંબી રદીફ લીધી, લાંબી બહર પ્રયોજી.
લય-છંદ જાળવીને પણ તીવ્રતા વધારી,
મિસરાને અંતે મૂકી મુસ્કાનની ઇમોજી
પામું છું નિત નવું કૈં, છોડું છું કૈંક જૂનું,
બન્નેનું એક કારણ; કાયમ રહું છું ખોજી.
ત્યાં શબ્દ, અર્થચ્છાયાની વાતમાં શું પડવું ?
થઈ જાય જ્યાં ‘મધુડા’ ભાષા જ હે જી… હો જી !
– મધુસૂદન પટેલ ‘મધુ’
સાદ્યંત સુંદર રચના… મુસ્કાનની ઇમોજીની મોજ લ્યો કે હે જી-હો જીની, એ આપના પર…
pragnajuvyas said,
August 3, 2023 @ 3:01 AM
કવિશ્રી મધુસૂદન પટેલ ‘મધુ’ની સુંદર ગઝલનો ડૉ વિવેક દ્વારા સ રસ આસ્વાદ
આખી ગઝલમાંથી એક પણ શેર નબળો ગણીને બાજુએ મૂકી શકાય એવો નથી…
વાહ કવિ!
જલસા પડી ગયા
માણો…
સંજુ વાળા said,
August 3, 2023 @ 11:37 AM
સરસ ગઝલ
કેટલાક સુંદર અને તાઝગીસભર ભાવકલ્પો મઝા કરાવે છે.
અભિનંદન મધુ
kishor Barot said,
August 3, 2023 @ 12:15 PM
મધુભાઈએ આજે ખરા અર્થનો જલસો કરાવ્યો.
Shah Raxa said,
August 3, 2023 @ 4:35 PM
વાહ..વાહ…તાઝગીસભર કલ્પનો….🙏💐
સુનીલ શાહ said,
August 4, 2023 @ 7:42 PM
તાજગીસભર અભિવ્યક્તિ. કવિને અભિનંદન
Poonam said,
August 8, 2023 @ 5:04 PM
ત્યાં શબ્દ, અર્થચ્છાયાની વાતમાં શું પડવું ?
થઈ જાય જ્યાં ‘મધુડા’ ભાષા જ હે જી… હો જી !
– મધુસૂદન પટેલ ‘મધુ’- kyaa baat !
🙃
લતા હિરાણી said,
August 15, 2023 @ 4:13 PM
વિવેકભાઈના શબ્દો જ ફરી
સાદ્યંત સુંદર ગઝલ