(—યાદ છે?) – મુકુલ ચોક્સી
તૂટતી જોવી હતી મારી હવેલી? —યાદ છે?
કે પછી અમથી જ તેં ચિઠ્ઠી લખેલી? —યાદ છે?
તારી એકલતાની સરહદ વિસ્તરેલી —યાદ છે?
એક દી એ મારી ગઝલોને અડેલી —યાદ છે?
વાત, જે કેવળ પ્રતિબિમ્બને કરાતી હોય છે,
એ જ વાતો તેં બીજા કોને કરેલી? —યાદ છે?
મારી આ દાઢી વધેલી એ તો સૌ જાણે જ છે,
તારી પણ થોડી ઘણી આંખો સૂઝેલી —યાદ છે?
– મુકુલ ચોક્સી
ગયા અઠવાડિયે આપણે ‘યાદ છે?’ રદીફવાળી ગઝલ વાંચી. વરસો પહેલાં મુકુલ ચોકસીએ આ જ રદીફ અને પ્રશ્ન સાથે આ જ રીતે લખેલી એકતરફી સંવાદ ગઝલ લખી હતી એ પણ સાથોસાથ માણીએ. ચાર જ શેરની આ દાયકાઓ જૂની ગઝલ પૂર્વ મુકુલ ચોકસીની પિછાન છે. આજે આ મુકુલ ચોકસી ક્યાં મળશે એ કોઈને યાદ છે? કહેજો તો…
pragnajuvyas said,
November 25, 2022 @ 4:18 AM
ડૉ. કવિશ્રી મુકુલ ચોક્સીની મજાની ગઝલ
ડો. કવિશ્રી વિવેકનો સ રસ આસ્વાદ
મસ્ત મક્તા
મારી આ દાઢી વધેલી એ તો સૌ જાણે જ છે,
તારી પણ થોડી ઘણી આંખો સૂઝેલી —યાદ છે?
યાદ આવે તેમની …
એવી કોઈ મોસમનો કલરવ યાદ આવે, એ પ્રેમ છે.
…’ ક્યાં મળશે એ કોઈને યાદ છે?’ વાતે યાદ આવે
આટલા મોહક અને મોતી ભરેલાં ક્યાં મળે ?
ફૂલ પર ઝાકળથી આ પત્રો લખેલા ક્યાં મળે ?
ઉંબરા પર પગ નથી મૂક્યો ને બસ આવો કહે,
આ નગરમાં માણસો એવા વસેલા ક્યાં મળે ?
ધારણા સાચી પડી આજે તમારૃં આગમન !
બારણામાં તોરણો લીલા બનેલા ક્યાં મળે ?
આ અતિથિનાં ભલા સન્માન આદર તો જુઓ,
ભર વસંતે અવનવા પર્ણો ઝૂકેલા ક્યાં મળે ?
આંખ જો ખુલી તો એની શોધ આરંભી દીધી,
જોઉં ઓશિકા ઉપર શમણાં પડેલા ક્યાં મળે ?
યત્ન પથ્થરથી કર્યા તો એકનાં કૈ થૈ ગયા,
દર્પણોનાં દેશમાં ચહેરા તૂટેલા ક્યાં મળે ?
– યામિની વ્યાસ
Chetna Bhatt said,
November 25, 2022 @ 11:34 AM
Wah..!!
Ha mane yaad chhe sajanva..!!
Pehlo sher my God dhrujave evo..
Aakhi Gazal jordar
Aasvad ma badhu aavi gayu 👌
Mari ek Rachna ahiya share karu chhu
Mane yaad chhe..!!
https://nai-aash.in/2012/03/01/hatheli-par-lakhyutu-taru-naam/
યોગેશ પંડ્યા said,
November 25, 2022 @ 11:52 AM
પ્રિય રઈશભાઈની એક ઔર સરસ ગઝલ!💐
યાદ છે?કહી કવિ પ્રિયજનને એમની વચ્ચે થી પસાર થઈ ગયેલા પેલા સમયના ટુકડા ને યાદ કરી ને ફરી વખત પાછા એ સંવેદનમાં ઘૂંટાય છે.જે જતું રહ્યું છે એ ઘણું દર્દભર્યું હતું,પણ આજે એ જ ક્ષણો સુકુન આપે છે!.કવિ ને તો બધું જ યાદ છે ત્યાં સુધી,કે પ્રિયજનની ઉદાસી ને પરકાયા પ્રવેશ કરીને એ ઉદાસી ને પોતાની ગઝલોમાં ઉતારી છે.પારકા દર્દ ને પોતાના કોણ કરી શકે?-એક કવિ જ!
દરેક શેર સરસ.! એમની બીજી ગઝલનો એક શેર તો જુઓ: ” આંખ જો ખુલી તો એની શોધ આરંભી દીધી,જોઉં ઓશિકાઉપર શમણાં પડેલા ક્યાં મળે?-વાહ!! અને આ શેર:’..,તારી પણ થોડી ઘણી આંખો સુજેલી..યાદ છે??!💐💐 અદ્ભૂત!!
યોગેશ પંડ્યા said,
November 25, 2022 @ 6:02 PM
દિલગીર છું વિવેકભાઈ.
સરતચુક થી મુ.મુકુલ ચોકસી ને બદલે કવિ શ્રી રઈશ ભાઈ નું નામ લખાઈ ગયું.
Sorry..
Yogesh Samani said,
November 25, 2022 @ 7:56 PM
ખરેખર ખૂબ સરસ ગઝલ.
ત્રીજા અને ચોથા શેરમાં વર્ણ દોષ જણાય છે.
Poonam said,
November 26, 2022 @ 4:46 PM
તૂટતી જોવી હતી મારી હવેલી? —યાદ છે?
કે પછી અમથી જ તેં ચિઠ્ઠી લખેલી? —યાદ છે?
– મુકુલ ચોક્સી – Bahot khoob !
Yaad che…? !
Lata Hirani said,
December 4, 2022 @ 10:40 PM
વધેલી દાઢીને પણ કવિતામાં લાવી શકાય !!