ખયાલ ન કર – અદમ ટંકારવી
નફા ને ખોટનો ખયાલ ન કર,
ફકીર સાથે ભાવતાલ ન કર.
એ જ સંબંધની ચરમસીમા,
એમનાથી કોઈ સવાલ ન કર.
કોક બીજું ય વસે છે અહીંયાં,
અહીંયાં તું આટલી ધમાલ ન કર.
કેમકે, તું નથી તારી મિલકત,
દોસ્ત, તારામાં ગોલમાલ ન કર.
તું નથી જાણતો ક્યાં જાય છે તું,
આટલી તેજ તારી ચાલ ન કર.
લોક માલિકને ભૂલી બેસે,
સંત, તું એટલી કમાલ ન કર.
– અદમ ટંકારવી
ટાઇમલેસ ક્લાસિક. છેલ્લો શેર તો સર્વકાલીન સર્વશ્રેષ્ઠ શેરોની પંગતમાં મોખરે બિરાજમાન થાય એવો…
Kajal kanjiya said,
July 9, 2022 @ 11:31 AM
વાહ્
Pravin Shah said,
July 9, 2022 @ 4:05 PM
ખૂબ સરસ !
જયેન્દ્ર ઠાકર said,
July 10, 2022 @ 4:30 AM
સરસ ગઝલ છે! અદમનો ટંકાર ઉંઘ ઉડાડી દે છે.
રિયાઝ લાંગડા (મહુવા). said,
July 11, 2022 @ 11:59 AM
વાહ…ટુંકી બહરમાં કમાલ…👌👌👌
pragnajuvyas said,
July 11, 2022 @ 8:36 PM
અદમ ટંકારવીની ડો વિવેક આસ્વાદમા જણાવે છે તેમ ટાઇમલેસ ક્લાસિક ગઝલ
મજાનો મત્લાની અનુભવાતી વાત ! ફકીર જેવા નાના વેપારી ભાવતાલ નામે છેતરાતા હોય છે !!
બધા સ રસ શેરોમા શિરમોર
લોક માલિકને ભૂલી બેસે,
સંત, તું એટલી કમાલ ન કર.
સાંપ્રત સમયની વિશ્વની ઘણી કરુણ પરિસ્થિતી માટે કહેવાતા ધાર્મિક વડાઓની કમાલ …