આંસુના તોરણ બાંધીને
આંખો પૂછે – સેલ્ફી પાડું?
– હિમલ પંડ્યા

ઇચ્છા – ફિલિપ ક્લાર્ક

November 30, 2021 at 9:27 AM by તીર્થેશ · Filed under ગીત, ફિલીપ ક્લાર્ક

રણમાં ઊગેલા એક છોડની આંખોમાં
જાગે વગડો જોવાના કંઈ કોડ

રોજ રોજ રેતીમાં જોયા કરે છે એ
મૃગજળની ફેલાતી માયા.
પાન એનાં પળપળ નાખે છે નિસાસા
ને ખુદમાં સમેટે છે છાયા.
પાંદડી ફૂટે ને એના હૈયામાં ફાળ પડે.
ના આવે એને નવો કૈં મોડ;
રણમાં ઊગેલા એક છોડની આંખમાં
જાગે વગડો જોવાના કંઈ કોડ.

ઉપાડી લો કો’ક એને મૂળ સોતો રેતથી
કો’ક વગડામાં દો ને વાવી;
બારે મહિના એને વેઠવી રહી પાનખર
કે છે વસંત ક્યારેય ના આવી.
રેડો લીલાશ કોઈ પીળા પડતા પાનમાં
કે હળવે હાથેથી કરો ગોડ.
રણમાં ઊગેલા એક છોડની આંખોમાં
જાગે વગડો જોવાના કંઈ કોડ.

– ફિલિપ ક્લાર્ક

…..યું હોતા તો ક્યા હોતા…..

5 Comments »

  1. pragnajuvyas said,

    December 1, 2021 @ 5:12 PM

    ફિલિપ ક્લાર્કનુ સુંદર ગીત

  2. Lata Hirani said,

    December 3, 2021 @ 3:57 AM

    સરસ કાવ્ય

  3. Vaishali Tailor said,

    December 5, 2021 @ 1:20 AM

    Saras

  4. Chitralekha Majmudar said,

    December 6, 2021 @ 11:09 PM

    Very sweet song and well meant…Thanks for the same.

  5. ketan yajnik said,

    January 8, 2022 @ 6:21 PM

    ફિર ભિ

RSS feed for comments on this post · TrackBack URI

Leave a Comment