(દાદ જેવી દાદ નહિ) – નિનાદ અધ્યારૂ
યાદ એની યાદ જેવી યાદ નહિ,
દોસ્તોની દાદ જેવી દાદ નહિ.
એ કરે આબાદ તો આબાદ, પણ-
એ કરે નહિ તો અમે બરબાદ નહિ.
તું કહે તો વાદળો પાછાં ફરે,
તું કહે તો આજથી વરસાદ નહિ !
જ્યાં સુધી પંખી પૂરાયેલું હશે,
ત્યાં સુધી આ પિંજરું આઝાદ નહિ !
આ ગઝલને દાદ તારી ના મળે,
નામ મારું તો પછી ‘નિનાદ’ નહિ.
– નિનાદ અધ્યારૂ
સાવ સહજ બાનીમાં લખાયેલી આ ગઝલની સરળતામાં કંઈક અકથ્ય તત્ત્વ છે જે ભાવકને બાંધી રાખે છે. ખાસ કરીને બીજો અને ચોથો શેર તો અદભુત થયા છે.
pragnajuvyas said,
July 6, 2023 @ 5:26 AM
એ કરે આબાદ તો આબાદ, પણ-
એ કરે નહિ તો અમે બરબાદ નહિ.
વાહ
યાદ આવે
‘બરબાદ’ રાતો વીતે છે પડખાં ફરી ફરી,
પડતી નથી સવાર, તમારા ગયા પછી..
Vinod Manek 'Chatak' said,
July 6, 2023 @ 12:59 PM
સરળ, સહજ અને લાજવાબ ગઝલ…
Bharati gada said,
July 6, 2023 @ 2:21 PM
વાહ ખૂબ સરસ રચના 👌👌
હેમંત પુણેકર said,
July 6, 2023 @ 2:22 PM
આ ગઝલને તો દાદ આપવી જ રહી. નિનાદભાઈનું નામ બદલાઈ જાય એ તો કેમ ચાલે? 😀 સરસ મજાની ગઝલ!લાજવાબ અંદાઝે બયાં. મજા પડી.
લલિત ત્રિવેદી said,
July 6, 2023 @ 4:13 PM
વાહ, વાહ, કવિ
નિનાદ અધ્યારુ said,
July 6, 2023 @ 5:17 PM
હૃદયપૂર્વક આભાર વિવેકભાઈ, લયસ્તરો અને મિત્રો.
Poonam said,
July 6, 2023 @ 6:58 PM
“ જ્યાં સુધી પંખી પૂરાયેલું હશે,
ત્યાં સુધી આ પિંજરું આઝાદ નહિ ! “ Waah !
– નિનાદ અધ્યારૂ –
Aaswaad thi sahamat sir ji 😊