પાલવે નહીં – જયંત ડાંગોદરા
ભલેને એક પાંદડુંય પણ હલે નહીં,
પવનને સ્થિરતા જરાય પાલવે નહીં.
વિકલ્પ અન્ય કોઈ હોય તો બતાવ તું,
નદી સમુદ્રમાં કદાચ તો ભળે નહીં !
કુમાશ એટલી હદે તું લાવ સ્પર્શમાં,
લજામણીય સ્હેજ પણ ઢળી પડે નહીં.
અસંખ્ય દીપ પાથરે ઉજાસ આભમાં,
છતાંય અંધકારની કલા ઘટે નહીં !
હજાર દાખલા દલીલ કાં ન આપ તું,
ન માનવાનું વ્રત હશે તો માનશે નહીં.
– જયંત ડાંગોદરા
સહજ અને સ-રસ ગઝલ!
હરીશ દાસાણી. said,
October 22, 2021 @ 5:08 AM
ખૂબ સરસ ગઝલ. અંધકાર પણ કલામય હોય તે કવિની મસ્ત નજર જ જોઇ શકે.
pragnajuvyas said,
October 22, 2021 @ 5:43 PM
કવિશ્રી જયંત ડાંગોદરાની સ-રસ ગઝલ!
ભલેને એક પાંદડુંય પણ હલે નહીં,
પવનને સ્થિરતા જરાય પાલવે નહીં.
વાહ્
જ્યારે સ્થિર હવા સારા હવામાનની તરફેણ કરે છે!
બીજી બાજુ, જ્યારે અસ્થિર હવા હોય છે, ત્યારે આપણે જોશું ક વરસાદના વાદળો રફ વાતાવરણ સાથે ઉત્પન્ન થાય છે. આ પરિસ્થિતિઓ ઉદાસીનતા સાથે સંકળાયેલ છે કારણ કે વાતાવરણીય દબાણમાં ઘટાડો અને તોફાનની રચના છે.