(જવા દે જવા દે!) – સંદીપ પૂજારા
કહ્યું છે કદી કે મને કંઈ દવા દે?
જૂનાં દર્દ થાકી ગયાં છે, નવા દે.
ભલે જોમ છે એ છતાં બેસવા દે,
હવે થોડું મંઝિલને પણ ચાલવા દે.
ચલણમાં એ ક્યારેક તો આવશે ને!
પ્રણયના જ સિક્કા મને છાપવા દે.
હજારો વખત એણે માર્યો, હવે બસ
સમજદારીને ગોળીએ મારવા દે.
ન આપ્યાં જગતને છતાં પણ મેં પાળ્યાં,
જે ખુદને દીધાં એ વચન પાળવા દે.
સરસ છે, સરસ છે, જો આંખોએ કીધું,
હૃદય બોલી ઉઠ્યું- જવા દે જવા દે!
– સંદીપ પૂજારા
ગઈકાલે જ છંદનો સુચારુ ઉપયોગ ગઝલને કેવો ઉપકારક નીવડી શકે છે એની વાત કરી અને આજે એ જ છંદમાં અન્ય એક રચના. છેલ્લા શેરમાં સરસ છે સરસ છે અને જવા દે જવા દેની પુનરુક્તિ છંદ અને કવિતાને સમરસ કરી રચનાને વધુ આસ્વાદ્ય બનાવે છે. કવિ બનવું હોય તો દર્દ સાથે તો ઘરોબો રાખવો જ પડે. મત્લામાં આ વાત બહુ સરસ રીતે રજુ થઇ છે. બધા જ શેર સરસ થયા છે, માત્ર સિક્કાને છાપવાવાળી વાત થોડી અલગ પડી જતી લાગી. શુદ્ધ ભાષા વ્યવહારમાં આપણે નોટ છાપવી અને સિક્કા બહાર પાડવા એમ પ્રયોગ કરતાં હોઈએ છીએ. રૂઢિપ્રયોગ પણ ‘સિક્કા પડવા’ એમ જ છે, એટલે સિક્કા છાપવાની વાત ભાષાની દ્રષ્ટિએ થોડી અસંગત લાગે છે. સરવાળે સંતર્પક રચના.
Kajal kanjiya said,
October 30, 2021 @ 4:25 AM
વાહહ
મયૂર કોલડિયા said,
October 30, 2021 @ 4:54 AM
ખૂબ જબરદસ્ત ગઝલ….
Susham pol said,
October 30, 2021 @ 4:56 AM
વાહ ખૂબ સરસ
Anjana Bhavsar said,
October 30, 2021 @ 5:03 AM
Wah..અભિનંદન સંદીપભાઈ
Janki said,
October 30, 2021 @ 5:43 AM
Waah….
ગઝલ માટે કહું છું સરસ છે સરસ છે,
નથી એવું કહેવું …જવા દે જવા દે….
અભિનંદન સંદીપ….
Jay Kantwala said,
October 30, 2021 @ 6:55 AM
Kya baat
Neeta Tamboli said,
October 30, 2021 @ 8:01 AM
Wah.. mast 👌
Neeta Tamboli said,
October 30, 2021 @ 8:02 AM
Wah.. mast mast👌
Dilipkumar Chavda said,
October 30, 2021 @ 9:28 AM
મજબૂત ગઝલ
વાહ સંદિપ ભાઈ
Chetan Framrwala said,
October 30, 2021 @ 10:50 AM
વાહ… સુંદર ગઝલ
pragnajuvyas said,
October 30, 2021 @ 1:54 PM
સરસ છે, સરસ છે, જો આંખોએ કીધું,
હૃદય બોલી ઉઠ્યું- જવા દે જવા દે!
વાહ્
કવિશ્રી સંદીપ પૂજારાની ખૂબ સુંદર ગઝલ…
ડૉ વિવેકનો સ રસ આસ્વાદ
bharat viramgami said,
November 1, 2021 @ 9:23 AM
Wha kavi amazing 👌