(જરૂરી છે) – મહેશ દાવડકર
ખુદને મળવું ઘણું જરૂરી છે,
બાકી જે છે, બધી મજૂરી છે.
કેવી રીતે ઉડાન ભરશે તું?
જાતને પિંજરામાં પૂરી છે.
આ અહમ્ તો જખમ કરે ઊંડા,
જાણે કે ધારદાર છૂરી છે.
ચિત્ર દોર્યું તો બોલી ઊઠ્યું કે-
જીવવાની કળા અધૂરી છે.
શબરીની જેમ ચાખું હર ક્ષણ ને-
સૌને વ્હેંચું, જે ક્ષણ મધુરી છે.
જેમ ડાળીએ ફૂટે છે કૂંપળ,
આ ગઝલ પણ એ રીતે સ્ફૂરી છે.
– મહેશ દાવડકર
સાદ્યંત સંતર્પક રચના. સરળ, સહજસાધ્ય ભાષાની દોર પર ગહન વિચારોના મૌક્તિક કવિએ કેવી મજાની રીતે પરોવ્યાં છે!
Jay kantwala said,
August 12, 2021 @ 2:43 AM
Waaaah
લવ સિંહા said,
August 12, 2021 @ 4:25 AM
વાહ…
ડૉ . રાજુ પ્રજાપતિ said,
August 12, 2021 @ 5:42 AM
મસ્ત .. મઝાની ગઝલ …
હરીશ દાસાણી. said,
August 12, 2021 @ 6:24 AM
ખૂબ સુંદર ગઝલ
pragnajuvyas said,
August 12, 2021 @ 8:45 AM
કવિશ્રી મહેશ દાવડકરની સુંદર ગઝલ જરૂરી છે
ડૉ વિવેક દ્વારા સ રસ આસ્વાદ
saryu parikh said,
August 12, 2021 @ 10:52 AM
સરસ રચના.
શબરીની જેમ ચાખું હર ક્ષણ ને-
સૌને વ્હેંચું, જે ક્ષણ મધુરી છે.
સરયૂ
Lata Hirani said,
August 18, 2021 @ 3:23 AM
ગઝલ સરસ થૈ છે.
પ્રથમ્મા ‘જરુરેી’ સાથે ‘મજુરેી’ પ્રાસ ચોન્ટાડેલો લાગે !