(ગમતું નથી) – અંજના ભાવસાર ‘અંજુ’
આમ, તું ના હોય તો ગમતું નથી
પણ હૃદય જિદ્દી છે, કરગરતું નથી
હું શરમ છોડું , તું રહેવા દે વિવેક
સ્વપ્ન છે, અહીં કોઈ ઓળખતું નથી
નામ સંયમનું ધરી રોક્યું છે તેં
આ રીતે મનને કોઈ છળતું નથી!
એવું તે શું કહીને છોડી આંગળી?
ટેરવું પણ સહેજે ટળવળતું નથી!
પ્રેમથી આપ્યું દરદ તેં ભેટમાં
એ જ કારણ છે કે એ ઘટતું નથી
કોણ જાણે કોની લાગી છે નજર!
આંખમાં કાજળ હવે ટકતું નથી
– અંજના ભાવસાર ‘અંજુ’
આવી ગઝલ હાથ ચડે ત્યારે થાય કે હા, ગુજરાતી કવિતાનું ભવિષ્ય ઉજ્જવળ છે. લગભગ બધા જ શેર સંતર્પક થયા છે. મત્લામાં ખુદ્દારીનો કેવો સ-રસ અંદાજ વ્યક્ત થયો છે! વિરહ ગમે એટલી તકલીફ કેમ ન આપે, હૃદય ભીખ તો નહીં જ માંગે. પિયુમિલનની ઝંખના કોને ન હોય! પણ કોઈક કારણોસર બે જણે એકમેકથી દૂર રહેવાની ફરજ પડતી હોય તો તેનો ઉપાય કવયિત્રી પાસે છે જ. સ્વપ્નપ્રદેશમાં ન શરમ, ન વિવેક – કશુંય પહેરી રાખવાની આવશ્યક્તા નથી. ‘ટેરવું સહેજ પણ ટળવળતું નથી’નું કલ્પન ગઝલને એક અલગ જ ઊંચાઈએ લઈ જાય છે, તો આખરી શેર સ્ત્રીસહજ સંવેદનની પરાકાષ્ઠાનો શેર છે, કદાચ આંસુ વિશે લખાયેલા ઉત્તમ શેરોમાં સમાવી શકાય એવો…
Shah Raxa said,
February 25, 2021 @ 1:10 AM
વાહ..ગઝલ અને આસ્વાદ ખૂબ સરસ
ગૌરાંગ ઠાકર said,
February 25, 2021 @ 1:14 AM
ખૂબ જ સરસ ગઝલ… વાહ વાહ
Kajal kanjiya said,
February 25, 2021 @ 1:16 AM
Wahhh Congratulations 💐
Harihar Shukla said,
February 25, 2021 @ 1:16 AM
અદભૂત અદભૂત 👌💐
Anjana bhavsar said,
February 25, 2021 @ 1:18 AM
ખૂબ ખૂબ આભાર..મારી ખૂબ સરળ અને સાદા શબ્દોથી બનેલી ગઝલનો લયસ્તરોમાં સમાવેશ કરવા બદલ..
Sandip Pujara said,
February 25, 2021 @ 1:23 AM
ખુબ સુંદર ગઝલ – દરેક શેર એક અલગ કવિતા બનીને આવ્યો છે
અભિનંદન
Rajesh Hingu said,
February 25, 2021 @ 1:25 AM
સરળ, સહજ, સુંદર અભિવ્યક્તિ.. કવયિત્રીને અભિનંદન
Poonam said,
February 25, 2021 @ 1:27 AM
આમ, તું ના હોય તો ગમતું નથી
પણ હૃદય જિદ્દી છે, કરગરતું નથી Waah !
એવું તે શું કહીને છોડી આંગળી?
ટેરવું પણ સહેજે ટળવળતું નથી! Kya baat
– અંજના ભાવસાર ‘અંજુ’ aakhi ghazal Saras Aasawad sachot 👌🏻
Nikita Mistry said,
February 25, 2021 @ 2:09 AM
અતિ સુંદર.
લાજવાબ 👌👌
Manisha Mehta said,
February 25, 2021 @ 3:00 AM
કલ્પનાને શબ્દોમાં ગૂંથવાની તારી મોહક અદા
કંઈ કેટલાંય થઈ રહ્યા તેના પર ફિદા..
Charu Gandhi said,
February 25, 2021 @ 4:21 AM
બહુ જ સુંદર રચના
આરતીસોની said,
February 25, 2021 @ 4:54 AM
મસ્ત ગઝલ
બધાં શેર મજેદાર
Manisha gohil said,
February 25, 2021 @ 5:50 AM
Wahhhh…khub j Sundar gazal
Kiran Jogidas said,
February 25, 2021 @ 6:02 AM
ખૂબ સરસ મજાની પ્રણય ગઝલ….બધા જ શેર સરસ થયા છે
Kandarp said,
February 25, 2021 @ 9:15 AM
ખૂબ સુંદર, હાર્ટ ટચિંગ
Bharat Waghani said,
February 25, 2021 @ 11:55 AM
છેલ્લા બેએક વર્ષમાં આવેલા ગઝલકારોમાં આદરપૂર્વક યાદ કરવા પડે એ લેવલની ગઝલો લખી રહ્યા છે અંજુ મેમ.. અભિનંદન..
બધા જ શેર ઉતમ.
✌💯👌🙌🙌
pragnajuvyas said,
February 25, 2021 @ 1:16 PM
સુંદર ગઝલનો સ રસ આસ્વાદ
આમ, તું ના હોય તો ગમતું નથી
પણ હૃદય જિદ્દી છે, કરગરતું નથી
વાહ
Falguni said,
February 26, 2021 @ 10:18 PM
બહુ સરસ , બસ આમજ સુંદર કવિતાઓ અને ગઝલ લખે એવી શુભેચ્છાઓ સાથે ખૂબ અભિનંદન
Mahendra S.Dalal said,
February 27, 2021 @ 3:55 AM
આસુ મા કલમ દુબાવિને લખેલિ ગઝલ.
અદભુત..
ચેતન પ્રા. શાહ said,
February 28, 2021 @ 3:39 AM
મતલાની સ્વાભિમાનતા હ્રદય સ્પર્શી ગઇ
એક એક શેર હ્રદય મા ઉતરી મનને રોમાંચિત કરી ગયો
બહુજ સુંદર અભિવ્યકતિ..
nirlep said,
March 11, 2021 @ 3:57 PM
amazing…great one after a long