(ભીના થયા) – રિન્કુ રાઠોડ ‘શર્વરી’
આપણે છત્રી નહીં, માણસ હતા,
એટલે પલળ્યા નહીં, ભીના થયા.
સપ્તરંગી આભના અશ્રુ ઝર્યાં,
એ જ દ્રાવણ મોરનાં પીંછાં થયાં.
શ્વાસ તો દોડી ગયા ધસમસ પછી,
બંધ જોયાં દ્વાર તો ધીમા થયા.
ક્યાં ફક્ત રાધાનો ડૂમો ઓગળે?
વાંસળીના સૂર પણ તીણા થયા.
મેં સતત ઔષધ ગણી લીધાં કર્યાં,
એ જ સગપણ આખરે પીડા થયાં.
– રિન્કુ રાઠોડ ‘શર્વરી’
આખી ગઝલ સ-રસ છે પણ હું મત્લા પર જ અટકી ગયો છું. પલળવું અને ભીના થવાનો તફાવત કવયિત્રીએ છત્રી અને માણસના રૂપક પ્રયોજી જે બખૂબીથી સમજાવ્યો છે, એ સાચે જ કાબિલે-દાદ છે.
Harihar Shukla said,
March 25, 2021 @ 2:19 AM
ધસમસતા શ્વાસનું બંધ બારણું જોઈને ધીમા પડવું 👌💐
Kajal kanjiya said,
March 25, 2021 @ 3:10 AM
વાહ ખૂબ સરસ ગઝલ…અભિનંદન 💐
Anjana bhavsar said,
March 25, 2021 @ 3:14 AM
વાહ…ખૂબ સરસ ગઝલ..અભિનંદન
હર્ષદ દવે said,
March 25, 2021 @ 4:37 AM
વાહ…સરસ ગઝલ.
અભિનંદન
રાજુ પ્રજાપતિ said,
March 25, 2021 @ 4:37 AM
મસ્ત , મઝાની સુંદર રચના .. અભિનંદન … આનંદ
Pravin Shah said,
March 25, 2021 @ 6:40 AM
ખૂબ સરસ !
ખૂબ ગમી !
ચંદ્રશેખર પંડ્યા said,
March 25, 2021 @ 10:25 AM
ખૂબ સરસ ગઝલ. અભિનંદન!
Chetna said,
March 25, 2021 @ 10:30 AM
કેટલું સાચું..
મેં સતત ઔષધ ગણી લીધાં કર્યાં,
એ જ સગપણ આખરે પીડા થયાં.
આપણે જે આપણા નજીક ના હોય એમને ઔષધ જ ગણતા હોઈએ.. પણ સૌથી વધારે પીડા પણ એજ આપતા હોય છે
pragnajuvyas said,
March 25, 2021 @ 10:36 AM
ખૂબ સુંદર ગઝલ
અને
મજાનો આસ્વાદ
આપણે છત્રી નહીં, માણસ હતા,
એટલે પલળ્યા નહીં, ભીના થયા.
વાહ્
સૃષ્ટિને તરબોળ કરતી ભીની મોસમ
બીજાને પણ ભીંજવવાની મોસમ
અમારા રઇશજી કહે છે —
સૃષ્ટિને તરબોળ કરતી ભીની મોસમ –
યાદ આવે એક જણ વરસાદમા
vasant sheth said,
March 25, 2021 @ 12:45 PM
છત્રી બહારથી ભીની થાય અંદરથી નહીં.
પંખી સર્વાંગ પલડે,
Rinku Rathod said,
March 25, 2021 @ 1:06 PM
લયસ્તરોનો અંતઃકરણપૂર્વક આભાર..🙏
દ્રષ્ટિકોણને સલામ.
શબ્દોની સરાહના કરનાર સહુનો આભાર.
MAHESHCHANDRA NAIK said,
March 25, 2021 @ 9:09 PM
બધા જ શેર જાજરમાન છે….,સરસ ગઝલ્ કવિયત્રીને અભિનદન…..
આપનો આભાર……
Lata Hirani said,
March 29, 2021 @ 10:26 AM
ગઝલ નખશીખ સુંદર છે અને આ કવયિત્રીની કલમમાં દમ છે જ.
પલળવું અને ભીના થવું, આ બંનેનો અર્થ કવયિત્રીએ અલગ કર્યો છે. એને beauty છે જ પરંતુ બંને એક અર્થમાં પણ પ્રયોજી શકાય – મનના સંદર્ભમાં.
વિનાયકરાવ મોરે (ભારતીય ) said,
August 17, 2021 @ 11:01 PM
વાહ મેડમ ખુબ જ સરસ ગઝલ લખી છે.એટલી સરસ કે લોકો કોપી કરવા લાગ્યા છે.અફસોસ એટલો કે નામ પોતાનું ચડાવા લાગ્યા.