પળમાંય તૂટે … – હિતેન આનંદપરા
કેટલુંયે સાચવો તોય આ તો સંબંધ છે
પળમાંય તૂટે…
વર્ષોથી લાડમાં ઉછરેલા શ્વાસ કદી
એકદમ અણધાર્યા ખૂટે…
સંબંધ છે, પળમાંય તૂટે…
સીંચીને લાગણી વેલને ઉછેરો
ને વેલ કેવું વીંટળાતી જાય
આછેરી ઘરમાં એ બાકી રહે
ને ઝાઝેરી ફંટાતી જાય
ડાળીને અંધારા ફૂટે…
સંબંધ છે, પળમાંય તૂટે…
અળગા થવાનું કંઇ સહેલું નથી
ને સાથે ટહુકા રૂંધાય,
નાનકડા ઘરમહીં ધીરે ધીરે પછી
દીવાલો બંધાતી જાય
આ મૂંઝારો માણસને લૂંટે
સંબંધ છે, પળમાંય તૂટે…
– હિતેન આનંદપરા
સાચા દિલના સંબંધ બાંધવામાં આખું જીવતર નીકળી જતું હોય છે, અને તોડવામાં જોઈએ એક ક્ષણ…..
pragnajuvyas said,
March 16, 2020 @ 11:50 AM
હિતેન આનંદપરાનું સુંદર ગીત
ડૉ તીર્થેશજીએ આસ્વાદમા ‘સાચા દિલના સંબંધ બાંધવામાં આખું જીવતર નીકળી જતું હોય છે, અને તોડવામાં જોઈએ એક ક્ષણ…’સ રસ સાચી વાત કહી છે.
મનમેળ ન હોય તો તિરાડ વીજળીના ચમકારા સાથે આખું ઘર ચીરી નાખે.એક સમયે એકમેક માટે પ્રગટતી તીવ્ર ઝંખના ભીંસ અને ચીસનું સ્વરૂપ ક્યારે લઈ લે એ ખબર નથી પડતી. પળ વગર પણ જેના વગર ચાલતું ન હોય એની સાથે પળભર પણ ગાળવી મુશ્કેલ થઈ જાય. સમય કોઈ એવા વળાંક પર લાવીને મૂકી દે જ્યાં આપણે જાણે મળ્યા જ નહોતા એવી અનુભૂતિ થવા લાગે.
કિરીટ ગોસ્વામીનો શેર છે…
એક ટીપું ગેર-સમજણનું પડ્યે થઈ જાય ઝેર
સગપણોની ચાસણી આખરે તો દુ:ખનું મુળ…
Nilesh Rana said,
March 17, 2020 @ 3:31 PM
Man Bhavan Geet Reality
mahendra S.Dalal said,
March 22, 2020 @ 12:30 AM
ખુબજ સરસ
MAHESHCHANDRA THAKORLAL NAIK said,
April 3, 2020 @ 3:23 AM
સરસ,સરસ,સરસ્……કવિશ્રી ને અભિનદન્…..