બદલે – ડૉ.મનોજ જોશી ‘મન’
પરિસ્થિતિ તો હજાર બદલે;
ન વેદનાઓ લગાર બદલે.
તું જેમ બખ્તર ધરાર બદલે,
ક્ષણોય એમ જ પ્રહાર બદલે.
‘હ’કાર બદલે; ‘ન’કાર બદલે,
‘હું’કારનો બસ પ્રકાર બદલે.
જનમથી રાતે સૂતાં રહો છો;
તો આમ ક્યાંથી સવાર બદલે!
સળંગ બદલે મૂળેથી માણસ;
જરાક એ જો વિચાર બદલે.
કદાચ બદલે તો રીત બદલે,
મરણ ન તિથિ, ન વાર બદલે.
યુગોયુગોથી જીવે પ્રતીક્ષા;
બસ આંખ, રસ્તો કે દ્વાર બદલે.
– ડૉ.મનોજ જોશી ‘મન’
દેખાવમાં ટૂંકી ટચરક પણ નિભાવવી દોહ્યલી થઈ પડે એવી ‘બદલે’ સાતે-સાત શેરમાં કેવી બ-ખૂબી નિભાવી છે તે જુઓ… બધા જ શેર વિચારણીય થયા છે.
મયૂર કોલડિયા said,
December 21, 2019 @ 4:25 AM
વાહ….
pragnajuvyas said,
December 21, 2019 @ 11:36 AM
ડૉ. મનોજ જોશી ‘મન’ની ગઝલના દરેકે દરેક શેર ચિરસ્મરણીય…
તેમા મત્લાનો શેર
પરિસ્થિતિ તો હજાર બદલે;
ન વેદનાઓ લગાર બદલે.
વધુ વિચારણીય
યાદ આવે તેમનો શેર
ક્યાં કહું છું કે દાવ છોડી દો?
ખેલ ખેલો, તણાવ છોડી દો.
જિંદગી મોટાભાગનાની વેદનાઓનું કારણ તણાવની ધુંસરી ખભે ઉપોડીને ચાલ-ચાલ કરવાનો આપણો સ્વભાવ જ છે. તણાવ પડતો મૂકી શકાય તો જીવન આસાન અને આહલાદક બની રહે છે.
.
Pravin shah said,
December 21, 2019 @ 10:31 PM
સરસ્..
NARENDRA said,
December 24, 2019 @ 8:10 AM
ખુબ સુન્દર રચના