હવે સપનાનો ઉત્સવ છે આંખમાં – મયૂર કોલડિયા
ચોમાસુ બેઠું,
ને ઉપરથી સળવળતું સત્તરમું બેઠું છે કાંખમાં,
હવે સપનાનો ઉત્સવ છે આંખમાં.
ઊભા ઊભા રે હવે વાગે છે ઠેસ,
હું તો ગબડું હયાતીના તળિયે,
ઓસરીથી ઓગળીને રેલાતી જાઉં છું,
આ કોના વિચારોના ફળિયે?
ભીતર લે હિલ્લોળા સપનાનું જોર,
મને, સમજણ! તું બાંધીને રાખ મા…
હવે સપનાનો ઉત્સવ છે આંખમાં.
વરસાદી છાંટાના પગરવ પર લાગ્યું
કે વ્હાલમ ખખડાવે છે બારણાં
ભર મેઘાડંબર ને આવો ઉઘાડ?
સાવ ઉંબરમાં તૂટે મારી ધારણા.
દરવાજે ધૂણે પ્રતીક્ષાનું ભૂત,
કહે, આશાના આગળિયા વાખ મા…
હવે સપનાનો ઉત્સવ છે આંખમાં.
– મયૂર કોલડિયા
સત્તરમું અને ચોમાસુ એકસાથે બેસે એ ક્ષણ કુમારિકાના તરુણી બનવાની ક્ષણ છે. સત્તરમાનો સળવળાટ સાંખવો જરી કપરો છે. ચાતાં-ફરતાં વાગે તો ઠીક, પણ ઊભા-ઊભાય ઠેસ વાગે એ રીતે દીવાસ્વપ્નમાં ખોવાઈ જવાય છે ને હોવાપણાંનું ઠે…ઠ તળ હાથ લાગી આવે છે. શરીર તો ઓસરીમાં બેઠેલું રહી જાય છે પણ મનડું મર્કટ તો ન જાણે કોના વિચારોના ફળિયામાં રેલાઈ પહોંચે છે! સપનાં જોવાની-પોષવાની આ અવસ્થામાં સમજણ આવીને કાંકરીચાળો કરે એય ગમતું નથી. ચોમાસે વરસાદના છાંટાનો અવાજ પણ વહાલમ બારને ટકોરાં દેતો હોય એવો લાગે છે. મન ઘડીભર વિમાસેય છે કે ઘેરા કાળા વાદળછાયા આભમાં આમ અચાનક ઉજાસ કેમ કરતાં થઈ ગયો? દોડીને ઉંબરે પહોંચે ત્યારે ધારણા તૂતે છે પણ પ્રતીક્ષા કહે છે કે આશા હેઠી ન મૂકીશ… આવશે, વહાલમ, આવશે જ!
કેવું મજાનું ગીત!
જય કાંટવાલા said,
March 1, 2019 @ 1:30 AM
સુંદર ગીત
Dipakvalera said,
March 1, 2019 @ 4:49 AM
ખુબ સુંદર કવિતા કાયમ જીવંત જ હોય એવી લાગી છે ..
Pravin Shah said,
March 1, 2019 @ 5:21 AM
વાહ ! વાહ ! ખૂબ સુન્દર !
ખૂબ ગમ્યુ.
Shabnam khoja said,
March 1, 2019 @ 5:34 AM
વાઆઆઆઆઆહ
ખૂબ જ સુંદર ગીત ,👌👌👌👌
praheladbhai prajapati said,
March 2, 2019 @ 8:09 AM
સુન્દર્
સંકેત જેઠવા said,
April 28, 2019 @ 12:54 AM
વાહ ખૂબ જ સુંદર ગમ્યું
Andy King said,
June 9, 2020 @ 4:33 AM
Wahh
Wahh
Wahhh
Wahhhh
Vijay Nakrani said,
April 24, 2021 @ 4:19 AM
વાહ… ખૂબ સુંદર 🙌🏼👏🏼👏🏼👏🏼
Jigisha Desai said,
June 30, 2023 @ 10:31 AM
Vahhh