(અટકળ હતી) – રમેશ ઠક્કર
ધાર કે એ આપણી અટકળ હતી,
વાત તોયે સાવ ક્યાં પોકળ હતી?
ચાલવાના અર્થને જાણ્યા પછી,
થોભવાની વાત તો વળગણ હતી.
લાગતો આજે ભલે પટ રેતીનો,
આ નદીની ગોદમાં ખળખળ હતી.
સીમ, વગડો, ડાળ, ઝાડી. પાંદડાં,
એક યાદી કેટલી ઝળઝળ હતી.
ના કદી એથી વધુ પામી શક્યા
પામવાની ધારણા કેવળ હતી.
– રમેશ ઠક્કર
સરળ શબ્દો પણ વાત મજાની… કાફિયાદોષ થોડો ખટકે છે પણ એને અવગણીએ તો રચના આસ્વાદ્ય થઈ છે…
Mohamedjaffer Kassam said,
November 29, 2018 @ 4:50 AM
બહુજ સરસ્
bharat trivedi said,
November 29, 2018 @ 11:35 PM
ગઝલનું ગ્રામર જળવાય તો સારુ પણ સારી ગઝલ હોય તો જલસા જ જલસા.
Vineshchandra chhotai said,
December 6, 2018 @ 9:00 AM
આ રચના વિષેશ જરજા ની છે