એક ટોળામાં – મેહુલ ભટ્ટ
ન આદિલ થવાયું, ન ઘાયલ થવાયું,
ફક્ત એક ટોળામાં સામિલ થવાયું.
છે દાનતની બાબતમાં હાલત લટકતી,
ન વલ્કલ થવાયું, ન મલમલ થવાયું !
સદા કશ્મકશમાં રહે માંહ્યલો, દોસ્ત,
ન કાશી થવાયું, ન ચંબલ થવાયું !
ડહાપણનું ટીલું કપાળે કર્યું’તું,
કોઈનીય પાછળ ન પાગલ થવાયું !
સદા એક અફસોસ રહેશે જીવનમાં,
ન ‘હા’ પાડવામાં મુસલસલ થવાયું !
ભર્યું ત્યાં સુધી તો અધૂરા રહ્યા, પણ
કરી મનને ખાલી છલોછલ થવાયું !
આ છાતી વચોવચ છે રજવાડું રણનું,
મળ્યું નામ, ક્યાં તોય ‘મેહુલ’ થવાયું ?
– મેહુલ એ. ભટ્ટ
સાદ્યંત સુંદર ગઝલ… બધા જ શેર પાણીદાર અને મનનીય થયા છે. માત્ર બીજો અને ત્રીજો શેર અર્થની દૃષ્ટિએ એક સરખા છે એ સિવાયના બધા જ શેર મજબૂત છે. જ્યાં સુધી નિતનવા ગઝલકારો પાસેથી આવી તરોતાજા અને સંતર્પક રચનાઓ મળતી રહેશે ત્યાં સુધી તો ગઝલગઢ સલામત જ રહેશે…
JAFFER said,
March 9, 2018 @ 4:46 AM
બહુજ મજા આવિ ગૈ
Jigar joshi said,
March 9, 2018 @ 7:19 AM
Khoob saras
સુરેશ જાની said,
March 9, 2018 @ 8:27 AM
આ છાતી વચોવચ છે રજવાડું રણનું,
મળ્યું નામ, ક્યાં તોય ‘મેહુલ’ થવાયું ?
———
અદભૂત, પોતાના જ નામ પર ચોટદાર શ્લેષ.
કદાચ તેમને હું જાણું છું. જો એ જ હોય તો – અને તે ન હોય તો પણ – એ ખોવાઈ ગયેલો દોસ્ત આજે મળી ગયો.
સુરેશ જાની said,
March 9, 2018 @ 8:33 AM
મને ખબર ન હતી એટલે ‘લેક્સિકોન’નો સહારો લઈ આ જાણ્યું – કદાચ બીજા મિત્રોની પણ એ તકલીફ હોય તો તેમને કામ લાગશે…
મુસલસલ = સળંગ
દિનેશકુમાર said,
March 9, 2018 @ 11:53 AM
બહુ સરસ મેહુલ ભટ્ટ સાહેબ..
શબનમ ખોજા said,
March 9, 2018 @ 11:37 PM
Khub j saras gazal … @mehul bhai
Navi navi gazalo shodhi lavva badal Tmari drashti ne pn vandan vivek sir..
મેહુલ ભટ્ટ said,
March 10, 2018 @ 6:08 AM
લયસ્તરો પર મારીય ગઝલ હોય એ મારુંં સ્વપ્ન હતુંં…
ખૂબ ખૂબ આભાર, વિવેકભાઈ…
આપ સૌનો આભાર…
Manthan Disakar said,
March 10, 2018 @ 1:57 PM
વાહ, મેહુલભાઈ
માસ્ટ ગઝલ. અભિનંદન
Poonam said,
March 12, 2018 @ 3:15 AM
ભર્યું ત્યાં સુધી તો અધૂરા રહ્યા, પણ
કરી મનને ખાલી છલોછલ થવાયું !
Mast…