મરીઝની જન્મશતાબ્દી નિમિત્તે…
જાહેરમાં એ દમામ કે પાસ આવવા ન દે,
અંદરથી એ સંભાળ કે છેટે જવા ન દે.
છોડ એવા શ્વાસને કે કશો એમાં દમ નથી,
જે મોતનો પસીનો સૂકવવા હવા ન દે.
મનદુઃખ થશે જરામાં કે ઊર્મિપ્રધાન છું,
તારી બધીય વાત મને જાણવા ન દે.
તુજ દર્દ જોઈએ છે મગર આટલું નહિ,
થોડી કચાશ કર, મને પૂરી દવા ન દે.
એના ઈશારા રમ્ય છે પણ એને શું કરું?
રસ્તાની જે સમજ દે, અને ચાલવા ન દે.
એવા કોઈ દિલેરની સંગત દે ઓ ખુદા,
સંજોગોને જે મારું મુકદર થવા ન દે.
એ અડધી મોત કષ્ટ બની ગઈ છે પ્રાણ પર,
જે ઊંઘ પણ ન આપે અને જાગવા ન દે.
આનંદ કેટલો છે બધી જૂની યાદમાં,
કિંતુ સમય જો એમાં ખ્યાલો થવા ન દે.
કેવો ખુદા મળ્યો છે ભલા શું કહું ‘મરીઝ’,
પોતે ન દે, બીજાની કને માંગવા ન દે.
– ‘મરીઝ’
ગઈકાલે 22 ફેબ્રુઆરીના રોજ મરીઝના જન્મને સો વર્ષ થયા. મરીઝની ગઝલોને સમય ચાળી શક્યો નથી કેમકે મરીઝની ગઝલો સીધી દિલની જબાનમાં લખાયેલી છે. એમની કળા કળા નથી, જીવન બની રહી હોવાથી સર્વોપરી બની રહી છે. મરીઝના કવનનું જમાનાએ કાયમ માટે યાદ રહી જાય એવું ઊંડું મનન કર્યું છે. એમની લાયકાત કેળવેલી નહીં પણ સહજ હતી, માટે જ મરીઝ ગુજરાતના ગાલિબની કક્ષાએ બિરાજે છે… જન્મશતાબ્દી નિમિત્તે કવિને શત શત કોટિ વંદન…
Rakesh Thakkar, Vapi said,
February 23, 2017 @ 6:58 AM
ક્યા બાત!
એના ઈશારા રમ્ય છે પણ એને શું કરું?
રસ્તાની જે સમજ દે, અને ચાલવા ન દે.
Devika Dhruva said,
February 23, 2017 @ 3:01 PM
કેવો ખુદા મળ્યો છે ભલા શું કહું ‘મરીઝ’,
પોતે ન દે, બીજાની કને માંગવા ન દે.
ગુજરાતના આ મહાન શાયરના કંઈ કેટલા યે શેર દાદ માંગી લે તેવા સર્જાઈ અમર બન્યા છે!!
Maheshchandra Naik said,
February 24, 2017 @ 12:28 AM
મરીઝ સાહેબને લાખ્,લાખ સલામ…………
KeTan PaTel said,
February 24, 2017 @ 11:14 PM
ONCE was on YouTube and suddenly I found a clip of gujarati play Titled As “mariz” i give glimpse to it and i was just stunned.
What a tregady!! Such a talent remains unrecognized throughout his lifespan.
simplicity and brevity of words with deep sense mariz’s trademark!!
The particular scene when “mariz” says:(portrayed by Dharmendra gohil) is awesome.
“Kismat ne hatheli ma hamesha rakho; Chahera upar na evi rekha rakho,Deva ne dilaaso koi himmat kare dukh-Dard ma pan evi pratibha rakho!!