ગમતી નથી – નીતિન વડગામા
એકધારી આવ-જા ગમતી નથી,
જિંદગીની આ અદા ગમતી નથી.
સ્હેજ તીખો, સ્હેજ તૂરો સ્વાદ દે,
માત્ર આ મીઠી મજા ગમતી નથી.
ભાવની ભીનાશ વરસાવો જરા,
સાવ સુક્કી સરભરા ગમતી નથી.
વિસ્મયોનું વન વઢાયું ત્યારથી –
એ પરીની વારતા ગમતી નથી.
પ્હાડ પીગળતા નથી થોડાઘણા,
પથ્થરો જેવી પ્રથા ગમતી નથી.
દાદ દેવા કોઈ પણ ડોલે નહીં !
શિસ્તમાં બેઠી સભા ગમતી નથી.
– નીતિન વડગામા
perpoto said,
March 7, 2013 @ 3:26 AM
ગમતી નથી
કોયલ બેઠી આંબે
નિરવ ડાળી
Harikrishna. (HariK) Patel said,
March 7, 2013 @ 4:20 AM
ખુબ જ સરસ નિતનભઈને મારા ખાસ
અભિનદ્ન
pragnaju said,
March 7, 2013 @ 8:22 AM
દાદ દેવા કોઈ પણ ડોલે નહીં !
શિસ્તમાં બેઠી સભા ગમતી નથી
સરસ
કોશિશ કરી કરી લખું, લીટી બે છંદમાં
ઇનામ ની શું વાત, અહી દાદ પણ નથી !
samsuddin said,
March 7, 2013 @ 9:25 AM
Khubj saras
ઊર્મિ said,
March 9, 2013 @ 10:12 AM
વાહ ખૂબ જ મસ્ત મજાની ગઝલ… કવિશ્રીને ઘણું બધું ભલે ન ગમે, પણ આ ગઝલ તો પરાણેય ગમી જાય એવી છે.
Maheshchandra Naik said,
March 10, 2013 @ 8:10 PM
સરસ ગઝલ, કવિશ્રી નીતિનભાઈને અભિનદન………………