દીવો ધરી બેઠાં – દિવ્યા રાજેશ મોદી
અમે તો આંખમાં વરસાદના વાદળ ભરી બેઠાં,
અચાનક સ્નેહના આવેશમાં આ શું કરી બેઠાં ?
સવારે સૂર્યને થોડો અમે અસ્વસ્થ જોયો’તો,
અહીં તેથી જ તો આકાશને દીવો ધરી બેઠાં !
હજી ઝાકળના કૂણાં સ્પંદને ઝળકી રહ્યાં’તાં જે,
પ્રખર તડકાના તીખા તેજમાં ફૂલો ખરી બેઠાં !
તમારી ખાસિયત છે કે તમે મરજી મુજબ જીવો,
અમે મરજીથી મળતાં મોત માટે કરગરી બેઠાં !
કદી જ્વાળામુખી જેવી બળતરા ભીતરે ઊઠી,
અને પાંપણ ઉપર બે આંસુ આવીને ઠરી બેઠાં !
– દિવ્યા રાજેશ મોદી
કવિ અને કવયિત્રી, પુરુષ અને સ્ત્રી – આ બંનેના ઊર્મિજગતમાં જમીન-આસમાનનો ફરક હોવાનો જ. સ્ત્રીની સંવેદના કેટલી સૂક્ષ્મ હોઈ શકે એ જોવું હોય તો આ ગઝલના બીજા અને છેલ્લા શેર પર નજર નાંખો. સૃષ્ટિ આખીના કેન્દ્રબિંદુ સમો સૂર્ય જરા જેટલો વ્યાકુળ લાગે એવામાં દીવો ઓફર કરી બેસે એ માત્ર સ્ત્રી જ હોઈ શકે. કૃષ્ણની ટચલી આંગળી અને ગોવાળિયાની લાકડીઓના ટેકા યાદ આવી જાય. છેલ્લો શેર પણ એક સ્ત્રીના ચિત્તતંત્રમાંથી જ સંભવી શકે…. સૂર્ય અને દીવાની જેમ અહીં જ્વાળામુખી અને બે બુંદ આંસુ બ-ખૂબી juxtapose કરવામાં આવ્યાં છે !
હિમ્મત said,
October 10, 2013 @ 2:03 AM
વાહ્
Manubhai Raval said,
October 10, 2013 @ 4:08 AM
કદી જ્વાળામુખી જેવી બળતરા ભીતરે ઊઠી,
અને પાંપણ ઉપર બે આંસુ આવીને ઠરી બેઠાં !
વાહ ખુબજ સરસ
suresh shah said,
October 10, 2013 @ 5:34 AM
બહુ સરશ્ તજ્ગિ સભર નવિ ગઝલ
ોન્ગ્ત્રતેસ્
કેીપ ઇત ઉપ અલ્લ થે બેસ્ત્.
કિરણસિંહ ચૌહાણ said,
October 10, 2013 @ 9:53 AM
મનમોહક ગઝલ. વાહ દિવ્યાબેન !
Swati said,
October 10, 2013 @ 11:23 AM
તમારી ખાસિયત છે કે તમે મરજી મુજબ જીવો,
અમે મરજીથી મળતાં મોત માટે કરગરી બેઠાં ! વાહ!! એકે એક શેર લાજવાબ..અભિનન્દન.
rasikbhai said,
October 10, 2013 @ 11:32 AM
આકાશ ને દિવો ધરિ ને દિવ્યાબેન તમે દિલ મા અજ્વાલુ કરિ દિધઉ .બહોત ખુબ્.
Maheshchandra Naik (Canada) said,
October 10, 2013 @ 3:28 PM
સરસ ગઝલ્ અભિનદન………………..
sudhir patel said,
October 11, 2013 @ 3:56 PM
સુંદર ગઝલ! ચોથા શે’રની ખુમારી કાબિલે-દાદ છે!!
સુધીર પટેલ.
Harshad Mistry said,
October 11, 2013 @ 9:18 PM
Divyaben,
Bahut Khub!! This will stay in my collection forever.
One of the best.
rekha said,
October 14, 2013 @ 3:53 AM
તમારી ખાસિયત છે કે તમે મરજી મુજબ જીવો,
અમે મરજીથી મળતાં મોત માટે કરગરી બેઠાં !….વાહ વાહ સ્ત્રી ના મનોજગત નુ આબેહુબ ચિત્ર્…
Sandhya Bhatt said,
November 12, 2013 @ 10:05 AM
વાહ્..દિવ્યાબેન….માણવા ગમે તેવા સંવેદનો….