તરણા ઓથે ડુંગર રે – ધીરો
તરણા ઓથે ડુંગર રે, ડુંગર કોઇ દેખે નહીં;
અજાજૂથ માંહે રે, સમરથ ગાજે સહી.
સિંહ અજામાં કરે ગર્જના, કસ્તુરી મૃગરાજન્ ,
તલને ઓથે જેમ તેલ રહ્યું છે, કાષ્ઠમાં હુતાશન;
દધિ ઓથે ધૃત જ રે, વસ્તુ એમ છૂપી રહી.
તરણા ઓથે ડુંગર રે….
કોને કહું ને કોણ સાંભળશે? અગમ ખેલ અપાર,
અગમ કેરી ગમ નહીં રે, વાણી ન પહોંચે વિસ્તાર;
એક દેશ એવો રે, બુધ્ધિ થાકી રહે તહીં.
તરણા ઓથે ડુંગર રે….
મનપવનની ગતિ ન પહોંચે, છે અવિનાશી અખંડ,
રહ્યો સચરાચર ભર્યો બ્રહ્મપૂરણ, જેણે રચ્યાં બ્રહ્માંડ;
ઠામ નહીં કો ઠાલો રે, એક અણુમાત્ર કહીં;
તરણા ઓથે ડુંગર રે….
સદ્ ગુરુજીએ કૃપા કરી ત્યારે, આપ થયા પ્રકાશ;
શાં શાં દોડી સાધન સાધે? પોતે પોતાની પાસ;
દાસ ‘ધીરો’ કહે છે રે, જ્યાં જોઉં ત્યાં તું હિ તું હિ.
તરણા ઓથે ડુંગર રે….
– ધીરો
ધીરો « ગુજરાતી સારસ્વત પરિચય said,
November 2, 2006 @ 12:59 AM
[…] # તરણા ઓથે ડુંગર રે! ડુંગર કોઇ દેખે નહીં.” […]
વિવેક said,
November 3, 2006 @ 3:13 AM
સરસ મજાનું ગીત… નાના નાના કલ્પનોથી ખૂબ મોટી મોટી વાતો કહી દીધી…
Neela Kadakia said,
November 5, 2006 @ 8:28 PM
કૌમુદિ મુનશીને મુખે ગવાયેલુ આ ગીત ખૂબ સુંદર છે.
તરણા ઓથે ડુંગર રે - ધીરો « તુલસીદલ said,
February 13, 2008 @ 11:27 AM
[…] તરણા ઓથે ડુંગર રે – ધીરો તરણા ઓથે ડુંગર રે, ડુંગર કોઇ દેખે નહીં; અજાજૂથ માંહે રે, સમરથ ગાજે સહી. […]
Rajendra Trivedi, M.D. said,
February 13, 2008 @ 11:30 AM
THANKS TO “LAYASTARO”
WE WANT TO BRING “DHIRO” IN TULSIDAL.
sudhir said,
July 11, 2013 @ 8:55 AM
સરસ મજ્હાનિ વાત સરલ રિતે