જે દીધું ચારે તરફથી એ દીધું વેતરીને,
જિંદગીએ જરા છોડી ન કસર, શું કહેવું!
- વિવેક મનહર ટેલર

ગઝલ – બી. કે. રાઠોડ ‘બાબુ’

સૂરજને આપી છે કટકી,
પડછાયા ક્યાં જાશે છટકી ?

મૃગજળ અંતે ઊંઘી જાશે,
ઈચ્છા જેવું ભટકી ભટકી…

ઈશ્વરને પૂરી પથ્થરમાં,
લોકોએ પાડી છે પટકી…

સામે છે એને ચૂમી લે,
પાછળ શું જોવાનું અટકી..?

એને કોણ મનાવે જગમાં ?
ખુદની સાથે જેને ખટકી…

કાનો-કાનો રટતા રટતા,
ભીતર “હું”ની ફૂટી મટકી..

– બી. કે. રાઠોડ “બાબુ”

સુરેન્દ્રનગરના કવિમિત્ર શ્રી બી.કે.રાઠોડને તા. 13/12/2008ના રોજ નવી દિલ્હી ખાતે ડૉ. આંબેડકર નેશનલ ફેલોશિપ ઍવૉર્ડ એનાયત થયો છે ત્યારે કવિને અભિનંદન પાઠવવા ઉપરાંત એમની ટૂંકી બહેરની એક હમરદીફ-હમકાફિયા ગઝલ પણ માણીએ. કોઈપણ કાવ્યપ્રકાર સભાન કે અભાન અવસ્થામાં એના સમયગાળાના સમાજનું પ્રતિબિંબ  ઝીલતો જરૂર જોવા મળે છે. અહીં મત્લાના શેરમાં જ ‘કટકી’ જેવો શબ્દ ગઝલને વધુ સમસામાયિક બનાવે છે. સર્વવ્યાપી ઈશ્વરને પથ્થરમાં કેદ કરી લઈ લોકોએ એની આબરૂ કાઢી છે એ વાત સૌરાષ્ટ્રની લોકબોલીના વાક્ય પ્રયોગ વડે કવિ સરસ કરી શક્યા છે. અને ગઝલનો અંતિમ શેર તો અનવદ્યપણે આસ્વાદ્ય થયો છે…

11 Comments »

  1. "koik" said,

    December 18, 2008 @ 7:05 AM

    મૃગજળ અંતે ઊંઘી જાશે,
    ઈચ્છા જેવું ભટકી ભટકી…
    સરસ, માણવા અને સમજવા જેવી ગઝલ છે

  2. સુનિલ શાહ said,

    December 18, 2008 @ 7:28 AM

    સાચે જ મઝાની ગઝલ છે.

  3. કુણાલ said,

    December 18, 2008 @ 7:56 AM

    એકેએક શેર ખુબ્બ જ સુંદર … !!

    અને મક્તો તો વાહ!! મજાની વાત !!

  4. ઊર્મિ said,

    December 18, 2008 @ 8:09 AM

    કાનો-કાનો રટતા રટતા,
    ભીતર “હું”ની ફૂટી મટકી..

    વાહ વાહ… આખી ગઝલ જ આ-ફ-લા-તૂ-ન છે…!!
    કવિશ્રીને ઍવૉર્ડ અને ગઝલ બંને માટે હાર્દિક અભિનંદન…!

  5. pragnaju said,

    December 18, 2008 @ 8:31 AM

    કાનો-કાનો રટતા રટતા,
    ભીતર “હું”ની ફૂટી મટકી..
    આધ્યાત્મનો સાર .લોકો ઉંચા બી.પી થી પીડાય છે. પરંતુ ઈ.પી. -ઈગો પ્રેસર અહમના દબાણની પીડા તેના કરતાં વિશેષ હોય છે. આ અહંકારનું ઊર્ધ્વીકરણ એ સફળતા અને આનંદની ચાવીરૂપ આધ્યાત્મિકતાનું ધ્યેય છે. છતાં લોકો આ અહંકારની સમસ્યા પર વિજય મેળવવાની રીત તથા સાધનો જાણતા નથી.
    – બી. કે. રાઠોડ “બાબુ’ ને ગઝલ અને નેશનલ ફેલોશિપ ઍવૉર્ડ બ્દલ અભિનંદન

  6. pankaj trivedi said,

    December 18, 2008 @ 1:13 PM

    માનનીય કવિશ્રી બી. કે. રાઠોડ સાહેબને એવોર્ડ માટે અભિનન્દન. ગઝલ લખવામાઁ તો તેઓશ્રી માહિર છે જ. ધન્યવાદ.
    – Pankaj Trivedi

  7. વિનોદ દવે said,

    December 18, 2008 @ 1:24 PM

    સમયના કટકે કટકે એક વણ-કલ્પેલ આશ્ચર્ય મળે તે આ ગઝલ.

  8. uravshi parekh said,

    December 18, 2008 @ 6:59 PM

    અભિનન્દન…
    કાનો કાનો રટ્તા રટતા
    ભિતર હુઁ નિ મટકી ફુટી,
    ઘણુ જ સરસ..

  9. sudhir patel said,

    December 18, 2008 @ 8:01 PM

    કવિ શ્રી બી. કે. ને સુંદર ગઝલ અને એવોર્ડ બદલ હાર્દિક અભિનંદન!
    સુધીર પટેલ.

  10. ધવલ said,

    December 18, 2008 @ 8:58 PM

    અભિનંદન !

  11. GAURANG THAKER said,

    December 21, 2008 @ 10:56 PM

    કવિ ને અભિનદન્ ને સરસ ગઝલ…વાહ…લગે રહો.બાબુજી….

RSS feed for comments on this post · TrackBack URI

Leave a Comment