છીપની પાંપણનું શમણું, બુંદ થઈને તું પડે,
સ્વાતિનું નક્ષત્ર લઈને કોઈ તો ક્ષણ આવશે.
વિવેક મનહર ટેલર

ગઝલ – રશીદ મીર

આ નવો રંગ-રાગ છે જાનાં
કાળા કંબલની શાન છે જાનાં

આખી દુનિયા ઉદાસ લાગે છે
દિલની દુનિયા ઉદાસ છે જાનાં

શ્વાસ-ઉચ્છવાસ છે કૃપા તારી
બાકી સૌ ઠીકઠાક છે જાનાં

ખૈર ચાહું છું તારા કમખાની
પયરહન તાર-તાર છે જાનાં

એક તારો વિચાર ઝળહળ છે
બાકી અંધાર રાત છે જાનાં

‘મીર’ના અર્થમાં મહત્તા શી ?
મીર તારો ગુલામ છે જાનાં

– રશીદ મીર

એક પછી એક શેરના પડળ ખુલતા જાય છે અને આ આખી ગઝલ પ્રિયતમાની જેમ આપણને આશ્લેષબદ્ધ કરતી અનુભવાય છે…

3 Comments »

  1. narendarsinh said,

    October 25, 2013 @ 3:25 am

    અતેી સુન્દર ગજલ

  2. Harshad Mistry said,

    October 25, 2013 @ 6:27 pm

    સાચે જ ગઝલ ખુબ ગમી.
    ખૈર ચાહુ છુ તારા કમખાની…………!!! ભૈ વાહ ખુબ સરસ્!!

  3. HATIM THATHIA said,

    November 7, 2013 @ 1:16 am

    Kali Kamali, Kamkho-The physical body, Pahran, SwasUchhavas, Darkness, try to understand this gazal in SUFI thinking and you will open the new doors. HATIM

RSS feed for comments on this post · TrackBack URI

Leave a Comment