(કદાચ) – જિગર જોષી
જિંદગી! તારા બધા રંગ ઊડી જાય કદાચ,
આ પવનમાં તો હવે દીવો ઠરી જાય કદાચ.
ખેલ તારો ફરીથી હાર સુધી જાય કદાચ,
આ હૃદય પાછું નવો ઘાવ ખમી જાય કદાચ.
વાતો વાતોમાં વળી વાત ઊડી જાય કદાચ,
એક વંટોળ ઊઠ્યો છે એ વધી જાય કદાચ.
સુખ ભુલકણું છે ઘણું, એનો ભરોસો ન કરાય,
આંગણે આવે અને નામ ભૂલી જાય કદાચ.
એનો પાલવ જો લહેરાય તો એવું પણ થાય,
સૂર્ય હો માથે અને સાંજ ઢળી જાય કદાચ.
– જિગર જોષી
સરળ બાનીમાં ધ્યાનાર્હ ગઝલ… બધા જ શેર કસદાર થયા છે…
Varij Luhar said,
December 27, 2024 @ 12:35 PM
વાહ. સરસ ગઝલ
Preeti Pujara said,
December 27, 2024 @ 12:52 PM
સરસ ગઝલ
હેમંત પુણેકર said,
December 27, 2024 @ 3:14 PM
સરસ ગઝલ થઈ છે! વાહ જિગરભાઈ!
Dhrutimodi said,
December 28, 2024 @ 5:00 AM
નાની પણ મોટી અપેક્ષા “કદાચ”માં છુપાયેલી !
એનો પાલવ જો લહેરાય તો એવું પણ થાય,
સૂર્ય હોય માથે ને સાંજ ઢળી જાય કદાચ !
Poonam said,
February 13, 2025 @ 7:43 PM
એનો પાલવ જો લહેરાય તો એવું પણ થાય,
સૂર્ય હો માથે અને સાંજ ઢળી જાય કદાચ. Aahaa !
– જિગર જોષી –