(માશાલ્લા) – સુરેન્દ્ર કડિયા
થતી ભાગ્યે જ હો એવી ખુદાની મહેર, માશાલ્લા
તમારા હોઠ પર મારી ગઝલનો શેર, માશાલ્લા
બને છે એક બીના રોજ, ઘરની બારી ખૂલવાની
પછી સિમસિમ ખૂલી જાતું આ આખું શહેર, માશાલ્લા
તમારી ઉમ્ર સત્તાવીસ કરું છું બાદ સોમાંથી
અહાહા! તોય ઝળહળ બાકીનાં તોંતેર, માશાલ્લા
તમે મીરાં કહ્યું તો ગટગટાવી ગ્યા અમે મીરાં
પચાવ્યાં ઝેર તેમ જ ઝેરનાં ખંડેર માશાલ્લા
મળે લાખો નવાં પગલાં, નથી ભૂંસી શકાતું એ
તમારું સાચવ્યું છે એક પગલું, ખેર! માશાલ્લા
– સુરેન્દ્ર કડિયા
માશાલ્લા એટલે ઈશ્વરે ચાહ્યું એ થયું. આભાર માનવા માટે કે ધન્યતા વ્યક્ત કરવા માટે પણ એ પ્રયોજાય છે. કવિએ આવી અનૂઠી રદીફ સાથે કામ પાર પાડીને મજાની ગઝલ આપી છે. ઝેરનાં ખંડેર સમજાયાં નહીં, એ સિવાય આખીય ગઝલ ઉમદા થઈ છે.
Kiran Jogidas said,
July 12, 2024 @ 12:45 PM
વાહ
Chetan Framewala said,
July 12, 2024 @ 1:27 PM
Wah…
સિકંદર મુલતાની said,
July 12, 2024 @ 4:07 PM
વાહ.. ગઝલ..માશાલ્લા..
Varij Luhar said,
July 12, 2024 @ 6:48 PM
વાહ.. ખૂબ સરસ ગઝલ
Dhruti Modi said,
July 13, 2024 @ 2:18 AM
સરસ રચના ! માશાલ્લા શબ્દ ખૂબ ગમ્યો ! અર્થ પણ ખૂબ સરસ ! આપણે કહીએ છીએ કે, ‘હરિઈચ્છા’ એવું જ’માશાલ્લા’ નો અર્થ થઈ શકે !
લતા હિરાણી said,
July 14, 2024 @ 6:04 PM
મજ્જાની ગઝલ
Poonam said,
August 17, 2024 @ 12:38 PM
અહાહા! તોય ઝળહળ બાકીનાં તોંતેર, માશાલ્લા.. Mast
– સુરેન્દ્ર કડિયા –
Aaswad saras ne sahamat !
Kishor Ahya said,
February 6, 2026 @ 5:16 PM
“તમે મીરાં કહ્યું તો ગટગટાવી ગ્યા અમે મીરાં
પચાવ્યાં ઝેર તેમ જ ઝેરનાં ખંડેર માશાલ્લા.”
ખંઢેર બની ચૂક્યા મહેલોમાં કાવાદાવાથી ભરેલું વાતાવરણ રહેતું જેને ઝેરીલું કહેવાતું. કવિએ અહીં આ સંદર્ભે ખંઢેરોને ઝેરી કહી તે પણ પચાવ્યા એવો સંદર્ભ મૂક્યો લાગે છે.
વાહ! દરેક શેર એક એક થી ચડિયાતો. ખૂબસરસ ગઝલ.
“થતી ભાગ્યે જ હો એવી ખુદાની મહેર, માશાલ્લા
તમારા હોઠ પર મારી ગઝલનો શેર, માશાલ્લા.”
“મળે લાખો નવાં પગલાં, નથી ભૂંસી શકાતું એ
તમારું સાચવ્યું છે એક પગલું, ખેર! માશાલ્લા.”
વાહ! વાહ!
કવિ શ્રી સુરેન્દ્ર કડિયા ને સરસ ગઝલ ‘માશાલ્લા’ આપવા બદલ ખૂબ ખૂબ અભિનંદન. શ્રી વિવેકભાઈએ ગઝલની સરસ પસંદગી કરી સરસ આસ્વાદ આપ્યો છે. ધન્યવાદ.
🌹🌹🌹🌹
વિવેક said,
February 7, 2026 @ 12:22 PM
આભાર મિત્રો…
આભાર @ કિશોર આહ્યા…